Uzulu eMelika ngoMvulo unanze usuku lwezisebenzi olwe Labor Day.
Usuku lolu olunanzwa iminyaka yonke ngoMvulo wakuqala kaMpandula lwasungulwa ngenhloso yokuthakazelela impumelelo elethwa yizisebenzi eMelika.
ILabor Day yakaqala ukuthakazelelwa ngabo 1900 ngenhloso yokupha izisebenzi ikhefu lokuphumula, njalo kuqhutshwa imihlangano yabamela izisebenzi.
Umkhankaso kaMnu Donald Trump lokaNkosikazi Kamala Harris eyokhetho lokudinga umongameli weleMelika ikhangelelwe ukuhlangana labakhokheli benhlanganiso ezimela izisebenzi ngesikhathi kunanzwa lolusuku.
Isizalwane seZimbabwe esesihlala khonalapha eMelika uMnu Washington Jamela utshele iStudio7 ukuthi izizalwane zeMelika ziyaluqakathekisa kakhulu lolusuku.
Your browser doesn’t support HTML5
Ingxoxo loMnu Washington Jamela.