Inhlanganiso elawulwa nguhulumende weZimbabwe loweZambia eyeZambezi River Authority yazise ukuthi isilinganiso samanzi asetshenziswa ukuphehla amagetsi kulelo damu sehlile kakhulu safika phansi kwetshumi ekhulwini, 8.3 % ngenxa yesomiso.
Ngalesi isikhathi nyakenye idamu leli lalilamanzi ayisilinganiso sokungamatshumi amabili lasithupha ekhulwini, i26, 08% okuphehla amagetsi.
Amanzi la asetshenziswa ngamazwe womabili ukulungisa amandla amagetsi.
Inkampani elungisa amagetsi eZambia, eyeZESCO yethule umbiko othi ilakho ukuvala isititshi sayo samagetsi aseKariba mhlaka 14 kuyonale inyanga.
Isititshi seKariba silungisa amagetsi ayisilinganiso esingamatshumi amabili ekhulwini, i-20% yamagetsi wonke alungiswa elizweni.
Exoxa leStudio7 ingcwethi ecubungula ezomnotho, uMnu Rejoice Ngwenya uthe udubo lwamagetsi luphazamisa kakhulu umnotho weZimbabwe.
Your browser doesn’t support HTML5
Ingxoxo loMnu Rejoice Ngwenya.