Umongameli Emmerson Mnangagwa ngoMvulo ubelomhlangano edolobheni le Beijing eChina labakwele Zimbabwe abasebenza kulelolizwe lapho abakhuthaze ukuthi batshale imali yabo ekhaya. Ukhangelelwe ukuphatheka emhlanganweni we China Africa Forum ngoLwesithathu kusiya ngoLwesihlanu kuyonale iviki, ingcitshi zisithi ele China lincindezela abantu eZimbabwei lisephula amalungelo.
UMongameli Mnangagwa ubikwa echasisele abeZimbabwe abahlala eChina inhlelo zentuthuko eziqhutshwa nguhulumende wakhe, wasedinga lembono yabo yokuthi bengaphatheka njani ekuthuthukiseni ilizwe.
Usuke eZimbabwe ngoLwesine kuviki edlulileyo, ngemva kokuloba enkundleni yebulenjini be internet ukuthi uhambo lwakhe lwe China ngolokuvuselela ubudlelwano phakathi kwamazwi la womabili. Uthe ele Zimbabwe lilakho ukuthola usizo kwezamabhizimusi, ezokulima lokutshalwa kwemali kuleli.
NgoLwesibili uMongameli Mnangagwa ukhangelelwe ukuhlanganoa lomongameli Xi Jinping walelolizwe.
Useyethekelele inkamba yamasotsha eyeNanjing Army Command College lapho afundela khona umsebenzi webutho ngomnyaka ka 1964 lase Huan province lapho okulenkampani eye BYD Auto company elungisa imitshina yokwakha imigwaqo.
Ingcwethi ezicubungula ezombusazwe zithi ubudlelwano phakathi kwele Zimbabwe lele China kabukalethi okubambekayo kuleli ngoba ele China lifuna ukuthatha inotho yelizwe lingalethi okubonakalayo.
Enye yalezi ingcwethi, esebenza lenhlanganiso ye Magamba Network, nguMnu Charles Nyoni.
‘’ Esikubonayo yikuba bayatshontsha inotho yethu kuphela akula okubambekayo esesikutholile njengelizwe le Zimbabwe bathatha igolide belisa kibo, imhlangano leyi iyakuphumelelisa lokhu’’
Lokhu kusekelwe ngeyinye ingwethi esebenza lenhlanganiso ye Democratic Platform for Development uMnu Steven Tshuma.
‘’ Esikubonayo yikuba uMongameli Mnangagwa nxa esiya emhlanganweni lowu ukhangela ubudlelwano be Zimbabwe lamazwe afana le China obasuka kudala kodwa akula ndlela zokukhangela ubudlelwano lolu kukhangelwa okwenzakala kulezinsuku’’
UMnu Bhekinkosi Sibanda owenhlanganiso ye Community Solutions Zimbabwe uthi kunzima ukuba ele Zimbabwe libe lobudlelwano obuqinile lele China esithi lifundiswa kuphela ukwephula amalungelo kazulu.
‘’ Ele China lephula amalungelo oluntu kuleli, kungakho lizwana lele Zimbabwe kodwa eqinisweni ubudlelwano lemhlangano efana le FOCAC ayikatholise lutho ele Zimbabwe’’
Imizamo yokuthola imbono ka hulumende yehlule, kodwa iStudio 7 ixhumane lomsekeli we ZANU PF uMnu Teddy Ncube yena othi ele Zimbbawe lithola okunengi kwele China.
‘’Ungananzelela emazweni wonke awomhlaba ele China yilo eselime lathi njengelizwe. Okuqakathekileyo yikuba njenge Zimbabwe sivuselele umnotho wethu lamazwe asethembayo njenge China’’
Amazwe awe Africa azakuthi gwaqa kwele China emhlanganweni we Africa China Forum.
Your browser doesn’t support HTML5
UMlondolozi Ndlovu Uyalandisa