Ingcwethi kwezempilakahle zithi umkhuhlane wamafibroids ubonakala ngenyama ezikhula phakathi kwesibeletho, njalo uvame ukutholakala kakhulu ebantwini besifazane abalokhe belenzalo.
Abesifazana laba balakho ukuhlaselwa ngumkhuhlane lo kungakhathalekile ukuthi sebeqalisile ukukhulelwa.
Odokotela bathi umkhuhlane lo unqotshwa ngokuthi umuntu ayehlinzwa awakhitshwe ama fibroids la, kumbe ahle avele akhiphe isibeletho kulokunatha amaphilizi lemithi etshiyeneyo.
Udokotela Maphios Siamuchembu, umqondisi wogatsha lukahulumende olwezempilakahle esigabeni seMatabeleland North, ulandisa kabanzi ngomkhuhlane lo.
“Umlimu wathi edala umuntu ongumfazi wamdalela ukuthi abelabantwana abahlanu kumbe abedlula abahlanu, abalantwana abedlula abahlanu abandanga ukubanjwa ngama fabroids. Ayisuye wonke umuntu olabantwana abalutshwane ozaba lama fibroids kodwa umuntu wesifazane obalabantwana abalutshwana ulalo ithuba lokuwathola.Lawa ngamaqhubu atholakala phakathi kwesibeletho ngenxa yokuthi isibeletho asisebenzanga okwaneleyo. AJwayele ukubamba omama abaleminyaka engamatshumi amane 40years kodwa bakhona abanye abesintwana ababa lawo besesebancane kuhambelana lokuthi ukhona yini umkhuhlane lo emulini yakwabo.”
Udokotela Siamuchembu wengeze wathi umkhuhlane lo welatshwa ngokuhlinzwa.
"Ama fibroids alatshwa ngodokotela okuthiwa ngo gynecologist odokotela abalapha imkhuhlane yabo mama. lsikhathi esinengi amafabroids kuhambelana ngokuthi manengi okungakanani akhule okungakanani alatshwa nge operation, ukuwakhupha wona amafabroids kumbe ukukhupha isibeletho sonke. lkhona eminye imithi kumbe amaphilisi umuntu angawanatha acatshangelwa ukuthi angehlisa inani lama fabroids ukukhula kwawo kodwa esikhathini esinengi imithi le ayisebenzi ioperation yiyo yodwa esebenza kuhle ukulapha amafabroids.”
Umongi uMnumzana Mbonisi Dube uchaza izibonakaliso ezikhomba ukuthi umuntu engabe elamafabroids.
“Ukuhamba nzima egangeni ngesinye sezibonakaliso kubangelwa yikuthi amafabroids angakhula ayahlala phezu kwethumbu elikhulu okuzayenza ukuhambisa ingcekeza kubenzima lokukhula kwesisu ungazithwalanga libuhlungu beqholo loba usiya emacansini. Kwesinye isikhathi umuntu ahlale ezizwa ediniwe lokhu kuyabe sekubangelwa yi anemia, yona ibuya ngokuthi uyabe ungena esikhathini isikhathi eside kusitsho ukuthi ulahlekelwa ligazi elinengi izibonakaliso lezi zitsho ukuthi umuntu kumele ayehlolwa amafibroids.”
UNkosikazi Musawenkosi Sithole umhlali wakoBulawayo ulandisa ngobunzima ahlangana labo ngesikhathi elamafabroids.
“Ama fabroids abuhlungu ngoba yinto ekhula ngaphakathi ungayiboni wena ngamehlo. Mina ngahlukumezeka kakhulu ngoba ngangilwisa ukuba lomtwana kusala ngingena esikhathini okungazwisisisekiyo. Ngonela ukuhlolwa ngatholakala ukuthi ngilawo ngayenza ioperation bawakhipha konke kwabanormal umtwana sengilaye sengingena kuhle esikhathini.”
Ingcwethi kwezempilakahle zithi abantu abansundu bayabalamafabroids besese bancane njalo bavame ukuthi bebelamakhulu kumbe amanengi ukwedlula eminye imihlobo yabantu.
Kumndeni nxa ekhona owake wabalawo odokotela bathi kuvamile ukuthi uhlasele, amantombazana angene esikhathini eleminyaka engaphansi kwelitshumi. Bathi njalo kuqakathekile ukuthi umuntu ayehlolwa nxa esethe wazibona engathi ulezibonakaliso zamafabroids ngoba ayenza ukuthi umuntu engenelisi ukuzithwala kumbe azithwale aswele. Kwesinye isikhathi umntwana kakhuli kuhle esiswini ngoba lomkhuhlane uyabe ukhula usidla indawo kusenza umntwana engakhuli kuhle. Ukudla ukudla okuqondileyo ngokunye okungancedisa ukuthi abantu bengahlaselwa yilumkhuhlane, kutsho odokotela.
Your browser doesn’t support HTML5
UBathabile Masuku Uyalandisa