WASHINGTON —
Imidlalo yalonyaka eyama Olympic Games ebiqhutshelwa eParis eFrance igqitshiwe izolo ntambama. Ikhomithi ebona ngemidlalo le eZimbabwe ithi iyathokoza ngendlela abeZimbabwe abancintise ngayo lanxa bengasatholanga ngitsho leyodwa imendulo.
Abadabuka eZimbabwe abayisikhombisa bancintisa emidlalweni le egoqela eyokugijima, ukubhukutsha lokweqa.
Kwabayisikhombisa abeZimbabwe abahamba ukuyancintisa kulimidlalo kulababili kuphela ababalisa uMakanakaishe Charamba loTapiwanashe Makarawu abadlala ngconywana bangena kumafinals lapho abanqotshwe yisizalwane se Botswana uLetsile Tebogo ekugijimeni i200 metres.