Inhlanganiso elwela ilungelo loluntu eye Concerned Citizens of Zimbabwe ithi isilobele amapholisa incwadi iwazisa ukuthi ifuna ukutshengisela eKaroi mhlaka 17 kuyonale inyanga Isola ukwephula kwamalungelo abantu elizweni.
Incwadi elotshwe yinhlanganiso le ihlela ukuthi ukutshengisela lokhu kuzaqhutshwa njani, labantu behlangane ngaphi, lapho okuzakuba lezimota ezizabathwala nxa bengenelisi ukuziqoqela ezabo.
Ilanga lokutshengisela leli liqondana lomhlangano weSADC Summit oyiwo olungiselelwayo elizweni lapho eleZimbabwe elikhangelelwe ukuthatha intambo zokukhokhela lumanyano.
Kwabotshwa amalunga eCitizens Coalition for Change ngenyanga kaNhlangula, labanye njalo abalelibandla labalwela ilungelo loluntu kumaviki edluleyo, okubikwa bacatshangelwa ukuthi bafuna ukutshengisela. Inengi lilokhe livalelwe emajele, njalo amagqwetha athi lincitshwa imvumo yokukhululwa ngemali yesibambiso eye bail.
UMnu. Wilson Makanyaire, isikhulumeli senhlanganiso yeConcerned Citizens of Zimbabwe eMashonaland West, uthi lilungelo labo elokutshesela lanxa amapholisa engabenqabela.
Your browser doesn’t support HTML5
Amazwi kaMnu. Wilson Makanyaire ngesiNgisi
Ukuhlaziya loludaba, kanyelamalungiselelo ombuthano weSADC, sixoxa loMnu. Zenzo Nkomo, ingcwethi ecubungula ezombusazwe.
Your browser doesn’t support HTML5
Ingxoxo loMnu. Zenzo Nkomo
Umongameli Emmerson Mnangagwa usanda ukuthi abantu kufanele baziphathe kuhle phambilini komhlangano weSADC njalo uMnu. Kazembe Kazembe, umphathintambo obona ngokwenzakala ekhaya wagcizelela amazwi akhe ngokuthi amapholisa azabopha labo abazabangela udlakela. Umongameli Mnangagwa waphinda wathi d kusobala ukuthi kulabantu abathunywa ngamazwe aphetsheya ukuthi bezophazamisa ukuthula.