Nanso impumela yemidlalo edlalwe ngeSonto kusigaba seCastle Lager Premier Soccer League.
Iqembu leHighlanders liphakame layahlala endaweni yesine engalaneni yemiklomelo lilemiklomelo engamatshumi amathathu lesithupha ngemva kokunqoba elikwenze eleChegutu Pirates nge2 ka 1 emdlalweni oqhutshelwe enkundleni yeBaobab ngeSonto emini.
Abahlohlele iqembu leBosso nguNqobile Ndlovu kanye loArchford Faira.
Umdlalo obuphakathi kweqembu leBulawayo Chiefs kanye leleDynamos uphele zingutshiki lobhanqa 1 ka 1 enkundleni yeBarbourfields, ngaseSakubva iqembu leBikita Minerals libe ngutshiki lobhanqa 0 ka 0 leleArenel, iqembu leCaps United litshaye eleFC Platinum nge 1 ka nya ngaseRufaro njalo uWilliam Manondo nguye ohlohlileyo wakhuphula inani lamagoli asewatshaye lonyaka afika kutshumi elilodwa.
Umdlalo obusenkundleni yeBata phakathi kweTelOne leHwange ufike emaphethelweni zindala zombili kungela qembu elenelise ukulitshayela emambuleni, 0 ka 0.
Your browser doesn’t support HTML5
UJoseph Njanji Usethulela Impumela Yemidlalo