Umongameli Emmerson Mnangagwa usekhuthaze iziphathamandla zebandla lakhe leZANU PF ukuthi zizwisise isimo somnotho welizwe kumbiko ozakwethulwa ngumphathintambo obona ngezemali uMnu. Mthuli Ncube ngoLwesine owe Mid-Term Fiscal Policy Review.
Uphinde wathi umhlangano ozaqhutshwa elizweni kunyanga ezayo oweSADC uzathuthukisa ubudlelwano beZimbabwe lamanye amazwe kanye lomnotho, wona athi uyakhuphuka kuzo zonke inhlangothi, ngaphandle kwezokulima ngoba kulesomiso.
Utshayele ihlombe izinduna ngodaba lweGukurahundi esithi zizimisele ukuthi udaba lolu luxazululwe wathi eleZimbabwe kufanele liqhubeke ngokumanyana.
Ukuhlaziya loludaba, sixoxe loMnu. Thandeko Zinti Mnkandla, ingcwethi ecubungula ezombusazwe, owake waba ngu mayor wedolobho leGwanda, yena othi watshaywa kakubi ngamasotsha eFith Brigade ngesikhathi seGukurahundi.
Uqala ngokuchasisa ngezomnotho.
Your browser doesn’t support HTML5
Ingxoxo loMnu. Thandeko Zinti Mnkandla