Umthethwandaba ophakemeyo owe high court ngoLwesibili ukhulule ngemali yesibambiso eye bail owesilisa oleminyaka engaphansi kwe litshumi lasitshiyangalombili owabotshwa lamalunga e-CCC ngenyanga edluleyo. Igqwetha elimela abe CCC uMnu. Agency Gumbo uthi okhululiweyo ukhangelelwe ukuphuma entolongweni ngoLwesithathu sebemlungisele imniningwane efunekayo.
UMnu. Gumbo uthi amalunga e CCC angamatshumi ayisikhombisa lanhlanu 75 agoqela isiphathamandla salelibandla uMnu. Jameson Timba azaqhubeka evalelwe esitokisini ngemva kokuba umantshi ethe uzakwethula isinqumo kusicelo sabo sokukhululwa ngemali yesibambiso kungakafiki uLwesine kuyonale iviki.
Asizweni uMnu. Gumbo echasisa okunengi ngaloludaba.
Your browser doesn’t support HTML5
Ingxoxo loMnu. Agency Gumbo
Kusenjalo, umthethwandaba kamantshi lamuhla wenqabile ukukhulula osomabhizimusi ababili uMnu. Mike Chimombe loMnu. Moses Mpofu entolongweni ngemali yesibambiso eye bail esithi balakho ukubaleka kungakathethwa icala abaletheswayo, elenkohlakalo njalo labantu bengasola ukukhulwa kwabo.