Umongameli Joe Biden weMelika uthi kufanele ingcwethi kwezomvikela ezizimeleyo ziphenye isehlakalo sokudutshulwa kukaMnu. Donald Trump, oncintisa kukhetho lokudinga umongameli welizwe ukuzwe kwazakale imbangela yaso.
Ukhulume lamazwi ngeSonto emini esigodlweni seWhite House lapho agcizelele ukuthi kufanele abantu bengacabangeli kodwa kubelesiqiniseko sokwenzakalayo.
Umongameli Biden ubesanda ukukhuluma leziphathamandla zikahulumende wakhe eziphenya loludaba, exhaswe ngumsekeli wakhe uNkosikazi Kamala Harris.
Wengeze wathi kufanele abantu beMelika bebambane ngemva kwalesi isehlakalo.
Ugcizelele ukuthi ukhulume loMnu. Trump ngoMgqibelo esanda ukudutshulwa, wamtshela ukuthi uphephile.
UMnu. Biden, osole kakhulu lesi isehlakalo, ukhangelelwe ukukhuluma kabanzi ngaloludaba ngeSonto ntambama.