WASHINGTON —
Amalunga elinye icele lebandla leCCC lithi amalunga alo abotshwe ngeSonto eGweru, abesedlula ikhulu akhulwe engetheswanga icala.
Isiphathamandla salelicele uMnu. Amos Chibaya uthi abakade bebotshiwe bebezama ukuxhasa umndeni kamuyi uMnu. Mboneni Ncube kusikhumbuzo sakhe, bathathelwa imota zabo njalo bavalelwa esitokisini.
Umuyi wayelilunga lalelibandla obikwa wabulawa ngobacatshangelwa ukuthi ngamalunga ebandla leZANU PF ngomnyaka ka2022.
Kodwa imota zabakhululiweyo zibikwa zilokhe zisezandleni zamapholisa. Lokhu kwenzakala amalunga e-CCC afika phose amatshumi ayisitshiyangalombili abotshwa kumaviki amabili edluleyo elokhe esentolongweni elwisa ukukhululwa ngemali yesibambiso eyebail.