Umongameli Emmerson Mnangagwa uthi ithuba lokuthi eleZimbabwe libe ngumgcinisihlalo weSADC lokuthi liqhube umhlangano walumanyano ozayo, lizabangela ukuthi umnotho welizwe uthuthuke ngokusebenza lamanye amazwe emhlubulweni wangezansi yeAfrica.
Uthi eleZimbabwe lizahlala lizivikela kumizamo yamazwe aphetsheya eyokuthi ibhidlize amalungelo elizwe lakhe kulandela ingxabano phakathi kwele Zambia lele Zimbabwe kudaba lobudlelwano be Russia lelizwe leMelika.
Umongameli Mnangagwa ukhulume amazwi la emathuneni eHeroes Acre lamuhla lapho obekungcwatshwa umuyi uMnu. Romeo Mutsvunguma obhubhe ngenyanga edluleyo, waphiwa inhlonipho yobuqhawe.
Your browser doesn’t support HTML5
Lalela Amazwi kaMongameli Mnangagwa
Ezinye ingcwethi ezicubungula ezombusazwe ziyasola amazwi kamongameli Mnangagwa zisithi okungathuthukisa umnotho welizwe kulethe lenhlalakahle yikuthi eleZimbabwe liqede inkohlakalo elizweni njalo lingephuli ilungelo loluntu.