KwezeMelika, oncintisa kukhetho lokudinga umongameli weMelika emele ibandla lamaRepublicans uMnu. Donald Trump uthi kufanele ukuthi lowo ancintisana laye owebandla lama Democrats, umongameli. Joe Biden ahlolwe igazi ukuze kubonakale isimo sakhe kwezempilakahle phambilini kwengxoxo-mpikiswano yabo ngoLwesine.
UMnu. Trump, othi laye uzathatha inyathelo elifanayo umongameli Biden engavuma, ubeloba enkundleni yokuxhumana ebulenjini eye Truth Social ngoMvulo, njalo lomsakazo we Fox News wakufakaza lokhu.
Ibandla lama Republicans lithi umongameli Biden, oleminyaka engamatshumi ayisitshiyangalombli lanye-81 kasoze enelise ukuthi aqede lingxoxo-mpikiswano enganathanga amaphilisi ngoba eseluphele njalo engaphilanga kuhle. UMnu. Biden kakaphenduli kuloludaba
Kusenjalo, sixoxa loMnu. Raphael Mthombeni, isizalwane seZimbabwe esihlala eMelika ngokuthi ngubani ongaba yingqwele kulolukhetho phakathi kwalaba bobabili, sekuhlolisiswa inhlelo zabo.
Your browser doesn’t support HTML5
Ingxoxo loMnu. Raphael Mthombeni