Udaba olulandelayo olomkhankaso wokhetho lokudinga umongameli weMelika lilulotshelwe yintathelizindaba ye VOA uScott Stearns Lalwethulelwa yiStudio 7:
Umthethwandaba ophakeme eMelika owe Supreme Court ngeviki edluleyo ucitshe isinqumo sokuthi kusetshenziswe umtshina ozavumela ukuthi imibhobho eminengi idubule njengemkhulu eyama machine guns. Inyathelo leli libangela ukuthi udaba lwemibhobho labanini bayo luhlale lusemlonyeni wabanengi okwamanje kukhankaselwa ukhetho lokudinga umongameli eMelika.
Imitshina yama bump stocks incedisa ukuthi izikhali zidubule amakhulu lamakhulu enhlamvu ngomzuzu owodwa. Yamiswa ukusebenza nguMnu. Donald Trump engumongameli ngenyanga ka Mpalakazi ngomnyaka ka2018.
“Ngaleyi ikuseni, siqqibe amalungiselelo awokuthi sinikeze imithetho emitsha eyokwenqabela imitshina yama bump stocks, “ Kutsho uMnu. Trump.
Lokhu kwalandela isehlakalo edolobheni le Las Vegas ngomnyaka ka 2017 lapho okwadutshulwa njalo kwabhubha abantu abangamatshumi ayisithupha-60, emcimbini womculo.
Owadubulayo ekufasitela le wetela, wasebenzisa ama bump stocks lawa ukudubula ama rounds edlula ayinkulungwane.
Kubuyiselwa lesi isinqumo emuva, amalunga omthethwandaba ophakemeyo amanengi athi uhulumende kaMnu Trump wadlulisa amalawulo ngokumisa ukusetshenziswa kwama bump stocks.
Isinqumo lesi sibangela ukuthi udaba lwemibhobho lube yinsika yalumkhankaso owokhetho lokudinga umongameli.
Umkhankaso kaMnu. Trump uthi abeMelika kufanele bahloniphe isinqumo sedale eliphezulu ele high court. Ngolwesihlanu, uMnu. Trump utshele umbuthano lapho obekulomhlangano we rally eFLorida ukuthi enganqoba kukhetho uzahlonipha amalungelo okusetshenziswa kwemibhobho amunyethwe yisisekelo sombuso weMelika:
“Kufanele sithole abantu, labanini bemibhobho ukuthi bevote. Awusoze ube lombhobho wakho okwesikhathi eside ungekela, ngoba bafuna ukulithathela konke. Bafuna ukuthatha imibhobho yenu. Bafuna ukulithathela inhlamvu. Bafuna ukubhidliza isisekelo sombuso,”
Umkhankaso kamongameli Joe Biden uthi kufanele kubuyiselwe ukusetshenziswa kwe bump stock. Asizwen umsekeli kamongameli uNkosikazi Kamala Harris:
"Singacabanga izinqumo ezizathathwa ngabavotayo ngenyanga ka Lwezi, kuyacaca ukuthi kulomahluko phakathi kwalapha esimi khona lalapho okumi khona lowayengumongameli. Singakhohlwa ukuthi owayengumongameli wathi abantu bakhohlwe ngakho, esitsho udlakela lwezemibhobho eAmerica. Singakweyisi lokhu. Asizwisiseni ukuthi silekhono lokukhetha okuqakathekileyo.”
Abasekeli baka Mnumzana Donald Trump enkundleni ye Congress bafuna abanini bembhobho besebenzise ama bump stocks. Asizweni uMnuByron Donalds omeleiFlorida enkundleni yeCongress:
“I-bump stock iyafana nje lokokuphathisa umuntu nxa elimele engalweni kodwa elokhe efuna ukudubula. Lokhu akutsho ukuthi bazadubula abantu bakhaza. Akukaze kutsho lokho.”
Abasekeli bakaMongameli Biden eCongress bathi isinqumo somthethwandaba ophakameyo sizabangela ukufa kwabantu.Nanko amazwi kaMnu. Adma Schiff, omela iCarlifornia eCongress:
“Ngingathandabuzi, kulobunzima phambili ngokusebenzisa ama bump stocks la. Sizazibuza: “Kungani kufanele sense lokhu,” “Kungani kufanele sihlale lalokhu?””
Uphenyo oluqhutshwe yi Pew Research Center lubonisa ukuthi abantu beMelika abayi one third, ngabanini bemibhobho.
Kungakafiki inyanga yokuvota eka November, umthethwandaba ophezulu ukhangelelwe ukwethula iisinqumo solunye udaba oluphathelane lemibhobho olokuthi labo ababangela udlakela ezindlini bengayisebenzisi.
Your browser doesn’t support HTML5
Lalela Loludaba Ngokugcweleyo