Uhlangothi olulwisa inkohlakalo olweZimbabwe Anti Corruption Commission (ZACC) luthi selumelele ukubuzisisa osomabhizimusi abalobudlelwano lebandla le Zanu-PF ababalisa oMnumzana Wicknell Chivayo, Mike Chimombe loMoses Mpofu.
Ithi abathathu laba bazabuzisiswa ngodaba lwenkohlakalo yamadola ayizigidi ezingamatshumi amane, $US 40million okubikwa yenziwa ekuthengweni kwempahla yohlangothi lweZimbabwe Electoral Commission (ZEC).
Ekhuluma ngesikhathi kugcotshwa abahluleli eHarare, umgcinisihlalo weZACC uMnu Michael Reza utshele iStudio7 ukuthi sebebhalele osomabhizimusi laba ukuthi baze emahofisini abo, njalo bengehluleka bazabalanda.
Your browser doesn’t support HTML5
Ingxoxo loMnu Michael Reza.
Ingcwethi yezombusazwe njalo ekhokhela inhlanganiso elwela amalungelo abathengi eyeNational Consumer Rights Association, uMnu Effie Dlela Ncube utshele iStudio7 ukuthi abantu abasayethembi iZACC, njengoba isipha izigwebo eziphansi kulabo abadlelana leziphathamandla zikahulumende njalo abanye bebotshwa okwesikhatshana besebekhululwa.
SEE ALSO: Ingxoxo loMnu Effie Dlela Ncube.