Amalunga Ethu Abotshiwe Embuthanweni Wokunanza iInternational Day of the African Child, Kutsho Elinye Lamacele e-CCC

Isikhulumeli selinye lamacele e-CCC uMnu. Promise Mkhwananzi uthi amapholisa ngeSonto achitha-chithe umhlangano eHarare obuqoqwe ngamalunga enhlanganiso yakhe athi ngawe “People’s Movement,” abethe gwaqa enanza usuku lweInternational Day of the African Child lapho uhulumende wabelungu eSouth Africa abikwa wabulawa njalo walimaza abanye babantwana besikolo ababetshengisela kulelolizwe ngomnyaka ka 1976 besola ubandlululo.

Igqwetha lababotshiweyo laba, uMnu. Jeremiah Bhamu utshele iStudio 7 ukuthi ababotshiweyo laba ababikwa bengafika ikhulu njalo basezitokisini ezimbalwa eHarare.

IStudio 7 ayisenelisanga ukukhuluma lesikhulumeli samapholisa uMnu. Paul Nyathi ngoba engasabeli ucingo lwakhe lukamakhalekhukhwini

Usuku lolu lunanzwe ngendlela ezehlukeneyo ngamabandla ezombusazwe lenhlanganiso ezizimeleyo eSouth Africa, eZimbabwe, lakwamanye amazwe.

Ingxoxo loMnu. Promise Mkhwananzi