Ilunga lebandla lama Republican uMnu. Sam Brown unqobe ixuku labanye bakhe wathatha isikhundla sokumela isigaba se Nevada kukhetho lwama primary ngoLwesibili osekumtshiye ebhekane mathupha lomela lesi sigaba engowebandla lama Democrats, uSenator Jacky Rosen kukhetho oluzaveza ukuthi ngeliphi ibandla elihola idale le Senate.
Esethula amazwi akhe kumbuthano obulandela impumela yokhetho edolobheni le Reno, u-Brown ubonge unkosikazi wakhe, u-Amy, labantwana bakhe abathathu kunye labazali bakhe.
Uveze eleMelika njengelizwe elimi madlodlongwane lapho abantwana bakhe abalalizwi, kabavoti kulifa elilizwe labo.
“Uyihlo uzakwenza konke okusemandleni akhe ukuze iphupho leMelika, inengi lethu elalisebenzisayo, lani lilisebenzise,” kutsho u-Brown.
U-Brown, owake waba libutho uphinda okwesibili ukuzama ukungena kudale le Senate, unqobe abanye bakhe balitshumi lambili, ukuze enelise ukubhekana lo Rosen, kusigaba esiyandise ukuletha umehluko kukhetho esibhekwe ngabomvu libandla lama Republicans.
Abebandla lama Democrats balwisa ukugcina izihlalo ezinengi kulabebandla lama Republicans lumnyaka ukuze balondoloze amanani abakhokhela ngawo kudale le Senate eliyingcosana.
U-Brown ubekhokhela ngenani elilutshwana phambilini kokhetho waze wathola izibusiso zosekelo lukaMnu. Donald Trump emaphethelweni omkhankaso ngeSonto.
Imbali ka Brown ngeyokuthi wasinda kubhomba eladubuka kwele Afghanistan wahlala esibhedlela okwenyanga ezimbalwa, okuyikho kade kuyindikimba yomkhankaso wakhe.
Usekelo luka Trump luphunyuke kade belufuna okubalisa owake wakhethwa ngu Trump ukumela eleMelika kwele Iceland, u-Dokotela Jeff Gunter.
Aze asungule umkhankaso wakhe edolobheni le Sparks, kumnyaka odluleyo, bucwadlana ledolobho le Reno, u-Brown walandisa imbali yakhe yempini lokuzinekela kumndeni wakhe njalo enjengomuntu ongasuye wabasebenzelana leziphathamandla ze D.C.
U-Rosen, owanqoba abamncintisayo kubandla lakhe kuma primary usole u-Brown embikweni awethule ngoLwesibili esithi u-Brown, ngowenhlanganiso ka Trump ethiwa MAGA njengomnutu owedlulisa amalawulo ozakhuluma laloba yini esithi abantu balimuke imbono ka Brown edlulisa amalawulo ebalisa ukwalisa abesifazane ukuthi basuse izisu.
“Ngizamela laloba ngubani ukuze isigaba sethu siphumelele kodwa u-Brown ufaka phambili ezombusazwe webandla lakhe kulokuphathisa ngokunganceda isigaba se Nevada.”
Udaba lokususa izisu kwabesifazane kukhangelelwe ukuba yindikimba yokhetho. U-Rosen uhlala egcizelela usekelo luka Brown lomthetho we Texas wokuthi lesi sigaba simise omama ukususa izisu okwenyanga ezingamatshumi amabili ngesikhathi ekhankasa ngokhetho lomnyaka ka 2014.
Ekuqaleni komnyaka, u-Brown uhlale lomkakhe bekhuluma lentathelizindaba zomsakazo we NBC esithi wake wasusa isisu bengakatshadi.
U-Brown, oseguqule ingqondo uthi uphikisana lokuvinjwa kokususwa kwezisu nguhulumende kodwa uthi kumele izigaba zizikhethele ukuthi zithathe nyathelo bani.
Inengi lamalunga ama Republicans abaphikisana lo Brown bake bazama ukumngcolisa ngokungayi kungxoxo-mpikiswano bemuthi nguye okhethwe zinkokheli zebandla.
Embikweni wakhe wokunqoba, u-Brown wazama ukuxhumanisa u-Rosen kunhlelo zika-Biden, emkhankasweni wakhe owenyanga ezedlula itshumi.
“Namuhla, njengoba sithakazelela ukunqoba, askikhulumeni ngokwenzakaleyo. Kusasa sisungula ihlandla lokukhululeka kwembono,” kutsho u-Brown.
U-Brown uphinde wachaza udaba lwebhomba elaphosa lambulala kwele Afghanistan lokuhlinzwa ngabodokotela okwenzakalayo eveza ubuciko bakhe abulolonga elisotsha lokuba likholwa lesi Khristu athi kwamphathisa ukuthi asinde
Usekelo luka Trump ngeSonto – ngemva kwamavoti afika phose inkulungwane ezilikhulu, 100,000 kubandla lama Republicans — kwaphathisa u-Brown. U-Trump wayephinde waphinda ukuthi uthanda abanengi abancintisayo engakakhethi u-Brown.