Oncintisa kukhetho lokudinga umongameli, uMnu. Donald Trump usephendukile ekukhankaseni kulandela ukutholoakala elecala lokuqamba amanga kumabhizimusi akhe.
Emhlangwanweni yama rally enyakatho yakweleMelika, u-Trump uqakathekise udaba lwezokungena lokuphuma elizweni lokwethula izijeziso zenotho kumazwe, ikakhulu eleChina, engayekela ukuvimba izizalwane zawo ukuza kweleMelika.
Intathelizindaba ye VOA, u-Scott Stearns uqoqe loludaba
U-Donald Trump uphenduke emkhankasweni ngeviki edluleyo esigabeni se Arizona esithi uMongameli Joe Biden usehlulwe yikulungisisa udaba lomngcele we Mexico.
“Konke akucacanga. Ukwehluleka kuka Biden kwenzakala ngabomu. Yikudiliza imingcele yethu lobuzwe bethu. Kahle-kahle kukhona okuzamele echasise ukuthi kungani befuna kwenzakale kanje. Ngibona njengathi yikudinga amavoti nje kuphela.”
Akulabufakazi bokuthi abokuza bavota ngobunengi kukhetho lweleMelika.
U-Trump wabuzwa ukuthi uzamisa njani ukungena elizweni ngokungekho emthethweni wathi uzathathela amanyetho ohulumende abakhuthaza lokhu.
"Nxa ele China liziphatha kabi silalokho okuthiwa ngama tariff, okusebenza kakubi."
Uhulumende ka Biden kuyonale inyanga uvimbe izicelo zokuphephela emngceleni we Mexico lapho okubotshwa khona abantu abazinkulungwane ezimbili lamakhulu angamatshumi amahlanu, 2,500 ngelanga bezama ukungena elizweni ngokungekho emthethweni.
U-Biden uthi imigomo yomngcele akumelanga ize lamazwi aphehla inzondo njengalawo asetshenziswa ngu-Trump.
"Ngesikhathi siding imithetho ebalulekileyo yemngcele yena uthi abokuza bayizidlova ezingababulali. Uthi kasibantu. Uthi njalo abokuza bangcolisa igazi labantu bethu.”
U-Biden uthi amazwi alukhuni ka Trump awahambelani lensika yobuntu beleMelika.
"Liyisibonelo sesizwe sethu esakhiwa ngabokuza, ilizwe labalephupho lokuphumelela, ilizwe lenkululeko. Yilo eleMelika esilidingayo.”
Imhlango yama rally yeviki edluleyo ngeyakuqala kulandela ukuthoalakala kuka Trump elecala lokuqamba amanga kumabhizimusi akhe ngokufumbathisa akwenza phambilini kokhetho lomnyaka ka 2016.
Utshele umhlangano esigabeni se Nevada ukuthi ukuthoniswa kwakhe yikusetshenziswa kwezemithetho ngu Biden owehluleka ukulungisa udaba lwemingcele.
“Umngcele wethu yiwo omubi kakhulu kumbali yomhlaba. Akula ngitsho lelizwe elisathuthukayo elilomngcele onje. Akula njalo ilizwe elimpofu elisebenzisa umthetho ukuhlukuluza oncintisa kukhetho njengelizwe lethu.”
Ucwaningo lwenhlanganiso ye Associated Press ngoMbimbitho luveze ukuba kulokuguquka kwemibono ngodaba lwabokuza, kulabafika phose isilinganso sokukodwa phakathi kokuthathu, one third abathi abokuza badala amacala. Lokhu yikukhuphuka kwesilinganiso sokulitshumi lasithoba munwe munye ekhulwini, 19 percent kulomnyaka ka 2017.
Your browser doesn’t support HTML5
Udaba lokhetho lweMelika.