Umongameli Emmerson Mnangagwa uphenduke elizweni namuhla evela kwele China lapho afike wasola amazwe angomakhelwane esithi ambambathwa ngelemelika ele zimbabwe lisale selilesizungu.
Esehla endizamtshineni uMnangagwa uzitshaye isifuba esithi nguye yedwa odabuka kuzwekazi le Africa obemenywe ngumongameli wele Russia, uMnu. Vladymir Putin.
Kodwa inengi lisole amazwi awethulele u-Putin esola eleZambia lele Malawi athi aqhelisa injongo zelemelika kusigaba sezwekazi le Africa.
UMnangagwa uphinde waxhamanda lapho ebuzwa ngokuthi impisi zijeziswa njani yena wathi ziyavalelwa ezihonqweni engazi ukuthi kukhulunywa ngabantu abayizitha.
UMnangagwa ubikwa esebenzise indizamtshina yokweboleka ebhadalwa imali ezinkulungwane ezingamadola eleMelika afika phose amatshumi amabili, US$18 000 ngehola linye.
Ukuhlaziya loludaba sixoxe locubungula ezombusazwe, uMnu. Jethro Mpofu.
Your browser doesn’t support HTML5
Ingxoxo loMnu. Jethro Mpofu.
Njengoba iStudio Seven ingasekeli hlangothi, siphinde saxoxa lelunga ledale le central committee yebandla le Zanu PF, uMnu. Joseph Tshuma, njalo emela isigaba be Pelandaba Tshabalala edale lephalamende.
Your browser doesn’t support HTML5
Ingxoxo loMnu. Joseph Tshuma.