Uphenyo olwethulwe ngoLwesibili luveza ukuba inzondo ngosendo i-hate and extremism kweleMelika ikhuphukile ngomnyaka ka 2023, kulenani elikhulu labamhlophe labalwisana labalobilili bunye, ama LGBTQ+ ngenhloso yokuphazamisa isisekelo sombuso welizwe.
Abalobulili bunye abathiwa ngama LGBTQ+ ngabanye abahlaselwe yinzondo le kweleMelika ngomnyaka ka 2023, kutsho loluphenyo olwethulwe yinhlanganiso ye Southern Poverty Law Center.
Abethule loluphenyo bathi amazwi agcwele inzondano lasola uhulumende athinta njalo abensundu labezokholo benkonzo ezabalutshwana.
Ke sizwe isiphathamandla senhlanganiso eqhube loluphenyo, uMnu. R.G Cravens.
“Abedlulisa amalawulo, abaphikisana lohulumende olokubambana, baqede umnyaka odluleyo bebusisa umvukela, befakaza inzondano njengobuqhawe, beqhuba imbiko yamanga abayithi liqiniso. Baphakathi kokulungiselela ukungcolisa ukhetho oluqakathekileyo kumbali yethu.”
Inani lenhlanganiso ezizonda uhulumende laqansa yafika phose kunkulungwane, 835, ngomnyaka odluleyo liqansa livela kumakhulu phose ayisikhombisa 702 ngomnyaka ka 2023.
Kuthi inani lenhlagnaniso eziqhuba inzondano ezisungulwe ngomnyaka odluleyo laqansa lisuka kumakhulu adlula amahlanu, 523, lafika phose kumakhulu ayisithupha, 595.
U-Cravens uthi lezinhlanganiso zingena kwezombusazwe zilenjongo emgceke.
“Bafuna ukuvimba imbono ehlukeneyo, ukuvimba ukuthi uzulu aphathise kwezombusazwe. Yikuvimba umbuso kantando kazulu.”
Umongameli Joe Biden nguye yedwa kukhetho lukaLwezi oziveza njengomkhokheli ongaqeda ukuqansa kwenani lezehlakalo zenkulumo egqugquzela uchuku.
"Angisoze ngivumele ukuthi u-Donald Trump enze eleMelika libe lilizwe elingathembi iqiniso, ubuntu lenhlonipho. Ngizazisola ngingekela u-Donald Trump esenza ilizwe lethu libe yindawo egcwele inzondo, ukweyisana lochuku."
U-Donald Trump —ozakhethwa ukuthi amele ibandla lama Republicans – waphehla inkulumo esangumongameli aze athi usola inxa zombili ngobudlwangudlwanu obaqhamuka phakathi kwabamhlophe abedlulisa amalawulo lababetshengisela edolobheni le Charlottesville, esigabeni seVirginia.
Ekutshenigseleni lokhu omhlophe odlulisa amalawulo watshayela imota yakhe wangena kuxuku lababetshengisela kwafa owesifazane kwalimala abangamatshumi amathathu.
UMnu. Trump wakhuluma ngaloludaba esithi isehlakalo lesi sitshengisa inzondo, uchuku lokungabiloxolo kwabatshengiselayo kunye labamhlophe abedlulisa amalawulo.
U-Trump wasekela inhlanganiso ezaloba ingwalo eziphehla inzondano njengale ethiwa Omama Benkululeko, kumbe Moms for Liberty, eyabethwa yinhlanganiso yezemithetho eye-Southern Poverty Law Center “njengenhlanganiso edlulisa amalawulo engafuni imfundo yezikolo elokumanyana”.
"Abakucele lenxele bathuka inhlanganiso ye Moms for Liberty bayithi lixuku labalenzondo. Lina lilenzondo? Kambe sure, inhlanganiso ye Moms for Liberty ibe ngeyenzondano?
Inhlanganiso ye Moms for Liberty yalile isicelo sokukhulumisana le VOA.
Ingcwethi zithi abancintisayo kumele balimuke inkulumo yabo ukuze bengaphehli udlame phambilini kokhetho luka Lwezi. Ke sizwe u-Teal Rothschild:
“Ukuze u-Biden aqhubeke ekhona ekhuluma ngokuthula ngitsho lokuvota ngokuta nje jikelele ngodaba luka Trump ukusimo esibucwayi ngoba u-Trump uyathola usekelo lapho esebenzisa inkulumo yakhe ephehla udlame, kodwa ngasikhathi sinye wehlukanisa abantu abakade bezavota.”
U-Rothschild uphinde wakhuthaza ukuthi abavoti kumele balimuke imbiko engayisiyo yeqiniso enkundleni zokuxhumana lakumaphephandaba engagqugquzela inzondano lokwedlulisa amalawulo.
Your browser doesn’t support HTML5
Udaba lwezokhetho.