Umongameli Emmerson Mnangagwa ubikwa eselubhekise eRussia emhlanganweni ophathelane lezomnotho owe St Petersburg International Economic Forum, lapho akhangelelwe ukuxoxisana lomongameli walelolizwe uMnu. Vladmir Putin ngoLwesine ngenhlelo zokuthuthukisa ubudlelwano bamazwe womabili kwezomnotho.
NgoLwesihlanu, ukhangelelwe ukuphatheka komunye umhlangano we plenary session lapho okuyabe kulabaphathintambo bamanye amazwe labosomabhizimusi becubungula ezomnotho lokutshala imali.
Umongameli Mnangagwa usanda ukuphatheka emhlanganweni weSouth-Korea Africa Summit lapho umongameli walelolizwe uMnu. Yoon Suk Yeol athembise ukukhuphula imali yokuthuthukisa inhlelo zamazwe akuzwekazi leAfrica iyefika kumadola angamabhiliyoni alitshumi; 10 billion dollars. Uthe eyokuphathisa amankampani eSouth Korea ukuyatshala imali emazweni eAfrica izakhuphuka iye kumabhiliyoni alitshumi lane 14 billion
Uhlaziya loludaba, sixoxe loMnu. Anglistone Sibanda, ingcwethi kwezokulima njalo engumqondisi wenhlanganiso ye Green Afrique Technologies.
UMnu. Sibanda, uthi okuqakathekileyo yikuthi umongameli Mnangagwa abuye lezivumelwano ezizathuthukisa impilo yabantu makhaza kuyo yonke imihlangano le lamanye amazwe.
Your browser doesn’t support HTML5
Ingxoxo loMnu. Anglistone Sibanda