Owayengumongameli, uMnu. Donald Trump uphenduka emkhankasweni wokhetho njengesibotshwa sakuqala esincintisa kukhetho lukamongameli weleMelika simele ibandla elikhulu.
Abalandeli baka Donald Trump baqhubeka bemeseka phandle kwesakhiwo se Trump Towers esigabeni se New York ngemva kwelanga eliloddwa u-Trump etholakale emalacala angamatshumi amathathu lane awokuqamba amanga kwezamabhizimusi ngenhloso yokuthola usekelo kukhetho lomnyaka ka 2016.
Edolobheni le Chelsea ovotayo, u-Nicholas Warner uthi ukutholakala kuka Trump elecala yisihluku esithi ilizwe lifuna elinye njalo ihlandla lombuso ka Trump.
"Esehofisini okweminyaka emine kwakungekho esikubonayo lezinsuku, okomnotho welizwe le inflation. Sifuna aphenduke njalo azophatha ezomnotho njengosomabhizimusi."
Esigabeni se Maryland, ovotayo, u-Arkady Lapidus uthi imbiko ka Trump eyokuthi umthethwandaba awuthethanga icala lakhe ngokusemthethweni kubi kubandla lama Republicans kunye lelizwe jikelele.
“Akukho okuhle nxa lelibandla lingehlukani lo Trump lithi liyakholwa kwezokhetho. Liyakholwa ngemithethwandaba. Liyakholwa kudale le jury ngoba amalunga alo engabanye bethu beleMelika. Nxa ibandla leli lingemukile ubuntu bethu njengezizalwane zakwele Melika angisoze ngafa ngalivotela njalo ibandla lama Republicans.”
Ovotayo, u-Margaret Barnes uthi lanxa uTrump watholakala elecala kuyavumakala akukhulumayo kulokuka Mongameli Joe Biden.
“U-Biden kimi ngimbona njengomuntu ongathembakaliyo. Uphongukukhuluma inganekwane njengegokhulu ozihumanelayo. Angimkholwa, kathembakali. Kodwa u-Trump uthelela idlabuzane lanxa akukhulumayo kuyake kube ngokuthukayo kodwa ngiyamkholwa.”
Esigabeni se Colorado, ovotayo, u-Luda Golodnykh uthi ukutholakala elecala kuka Trump kusemthethweni njalo ulethemba kuzalimaza umkhankaso wakhe.
“Indlela akhuluma ngayo ngabesifazane, indlela aphatha ngayo amanye amazwe, indlela akhuluma ngayo ngabokuza yena etshade lowokuza. Ngiyazibuza ngiphinde ngithi wazithezela olulenkume."
Esigabeni se Nevada, ovotayo, u-Keith Dayton uthi isinqumo somthethwanadaba asizange siguqule indlela azavota ngayo.
"Ngilokhe ngivotela u-Trump. Ngibona njengathi konke lokhu obekusenzakala bekuyize nje. Ngiyangekile ngelizwe lethu. Angeke ngamnxusa etshwaleni kumbe ngiye laye ukuyazilibazisa. Kodwa ayisikho okudingakalayo."
Esigabeni esandise ukuletha inguquko kumpumela yokhetho, ese Pennsylvania, isinqumo somthethwandaba silakho ukuphathisa umkhankaso ka Trump kutsho ovatyo, u-Jeffrey Nesbitt.
"Ngibona kuqakathekile ukuthi kuzizalwane zakweleMelika ukuthi zimehlule kukhetho. Ngibona njengathi isinqumo somthethwandaba sizakhuthaza abalandeli bakhe ukuthi bavote ngobunengi njalo babelolaka kukhetho oluzayo.”
Isilinganiso sokungamatshumi ayithoba munwe munye ekhulwini, 90 percent, samalunga ebandla lama Replicans, ngabalokhe besekela u-Trump, kutsho uphenyo lwe Reuters/Ipsos.
Ingxenye yesilinganiso sokulitshumi ekhulwini esabathi kabasoze bamvotele singadala umehluko kukhetho lwabancintisayo abangutshiki lobhanqa.
Your browser doesn’t support HTML5
Udaba lwezokhetho lweMelika.