Idale le jury liphakathi kokuhlaziyaya udaba ulwetheswa owayengumongameli, uMnu. Dopnald Trump elokufihla imininigwane yembadalo yokufumbuthisa owesifazane ophila ngokuveza umzimba emphakathini ukuze udaba lwakhe lokuya emacansini laye lunganciphisi amathuba akhe okukhethwa ngokhetho lomnyaka ka 2016.
Imikhankaso yalumnyaka iyaqhubeka phandle komthethwanadaba we New York.
Kumaviki ayisithupha adluleyo uMnu. Trump ubekhonona esithi icala aletheswayo ngelezombusazwe.
“Okunje akuzake kubonakale embalini yelizwe lethu. Yibuqili. Yikungenela kwezokhetho ngumthethwandaba okukuzinga elingakaze libonakale embalini yelizwe lethu.”
Umkhakankaso kamongameli Joe Biden ubungakhulumi ngecala lika Trump kwaza kwafika liviki okubanakale umlingiswa olodumo osekela u-Biden, u-Robert De Niro.
“U-Trump aze angene kukhetho ngomnyaka ka 2016 kwakungani lihaba nje kuphela. Lesi siphoxo sisiba nguMonameli, hatshi akungeke. Sasilibale isifundo sembali esasibonisa ukuthi omahlekisa ababengathathwa njengabakhuluma iqiniso bacine sebengomongameli ababusa ngochuku. Ku Trump silelinye ithuba, akula ohlekayo kathesi.”
Umcebisi ka Trump uMnu. Jason Miller uthi lokhu kubonisa ukuthi u-Trump wayeqinisile sonke lesi sikhathi.
“Baze bakwenza abalandeli baka Biden. Ngemva kwenyanga ezimbalwa besithi lelicala alilani lezombusazwe babuthene besenza umkhankaso phandle komthethwandaba we Manhattan lapho okuthoniswa khona u-Trump.”
UDeniro ukhuluma embikweni womkhankaso ka Biden othi wona u-Trump uqhubeka esiba lokuphambana ekhanda edinga ukubusa ngendleala ezilobungozi kusukela aze anqotshwe ngokhetho lomyaka ka 2020.
“Usencintisa njalo. Kathesi uthembisa ukuba nguntando kayiphikiswa, edabula isisekelo sombuso welizwe.”
“Ngingekela ukukhethwa kuzachitheka igazi.
“U-Trump ufuna ukuphindisela njalo kasoze amiswe layini ukukwenza lokhu.”
“Ngingu Joe Biden, lumbiko ngiyaweseka.”
Umkhankaso ka Trump uthi u-Biden uzama ukuvala abavoti amehlo ngamaphutha ombuso wakhe.
Ke sizwe isikhulumeli somkhankaso ka Trump uNkosikazi Karoline Leavitt:
“Ngoba u-Joe Biden ulobuvila. Uyesabeka. Uyingozi kumbuso kantando kazulu, hatshi kuphela ngokusebenzisa imithethwandaba kodwa ngenhlelo zakhe zokuvula imingcele yelizwe kungene abantu ngokungekho emthethweni - amalwa ecatsha, izigilmkhuba. Umnotho welizwe lethu umanikiniki. Lezi yizo indaba ezimqotho kuzizalwane zeleMelika.”
Ucwaningo lwenhlanganiso ezimbalwa ezibalisa PBS News Hour/NPR le Marist uthi inengi lezizalwane zeMelika azilandeli okwenzakala emthethwandaba.
Idale le jury lidinga ukuba u-Trump akhululwe abe ngumongameli wakuqala ukuthoniswa icala lobugelekeqe kumbe ukuthi agwetshwe abe ngolecala oncintisa ukuba ngumongameli.
Your browser doesn’t support HTML5
Udaba lwezodaba lecala lika Trump.