Abalelungelo lukuvota bavotile ngoLwesithathu eSouth Africa kukhetho lapho inhlanganiso ebona ngokuqhutshwa kwalo eye Electoral Commission of South Africa, kanye labanye abakhulume leStudio 7 abathi luqhutshwe ngokuthula.
Omunye ohlole ukuqhutshwa kwalolukhetho ezimele, nguNkosazana Khethiwe Bhebhe, olwela ilungelo loluntu, njalo elilunga lebandla leMthwakazi Republic Party osichasisela akubonileyo. Sixoxe lomhlali weDurban eyinzalo yeSouth Africa osichasisela ngendlela avote ngayo.
UMnu. Ngqabutho Mabhena, umgcinisihlalo wenhlanganiso yeZimbabwe Community in South Africa, uthi abavela eZimbabwe bengavotela i-MK, ANC, kumbe i EFF, kusiya ngendingeko zabo, intando yabo, kumbe ukuthi yiliphi ibandla ababona engani lingabalungisela amaphepha okuhlala kulelolizwe ngokusemthethweni.
Ingcwethi ecubungula ezombusazwe uMnu. Zenzo Nkomo uchasisa ngokungenzakala ngemva kwalolukhetho, nxa kuyikuthi i-ANC ayisoze ithole amavoti eneleyo.
Ngemva kwalolukhetho, amalunga ephalamende azavotela umholi walo okwande ukuthi avele kulabo abanengi kulinkundla, ozakuba ngumongameli welizwe.
Your browser doesn’t support HTML5
Lalela Loludaba Ngokugcweleyo