Umahluli obethonisa icala eletheswa indodana yesikhlumeli sebandla le Zanu PF, uNeville Mutsvangwa umahluli Esther Muremba usecele ukuzenyula kulelicala kulandela ukubizwa kwakhe nguMongameli Mnangagwa esigodlweni se State House.
U-Muremba wazise namuhla ukuthi usesuka kulelicala njalo ugatsha lwezemithetho soludinga ozaqhubeka ngalo.
UNeville Mutsvangwa, ozalwa ngumphathintambo wezabesifazane, uNkosikazi Monica Mutsvangwa loMnu. Chris Mutsvangwa oyisikhulumeli sebandla le Zanu PF, ubotshwe kumaviki amathathu adluleyo esethusa icala lokuthenga ethengisa imali ngokungekho emthethweni.
Elokhe evalelwe esitokisini kusukela mhla ziku 8 kuyonale inyanga.
Ubekhangelele isinqumo sokuthi uzaphiwa na ithuba lokuhlawula imali yesibambiso namuhla.
Iphephandaba lobulembu ele Zimlive libika ukuba iziphathamandla zogatsha lomthethwandaba zithi uMuramba ubebizwe nguMongameli Mnangagwa esigodlweni se State House lapho kade kuloMnangagwa lonina ka Neville uMonica bembuza ukuthi kungani icala leli lithatha isikhathi eside lingela sinqumo.
Ukuhlaziya loludaba sixoxe lengcwethi ecubungula ezemithetho, uMnu. Nqobani Sithole.
Your browser doesn’t support HTML5
Ingxoxo loMnu. Nqobani Sithole.