Isigaba se Pennsylvania ngesinye sezigaba esingaba lomthelela wempumela yokhetho kukhetho luka Lwezi. Intathelizindaba ye VOA Scott Stearns uqoqe loludaba olwethulwa ngu Chris Gande lukhangela ukuthi uMongameli Joe Biden loMnu. Donald Trump benzani ukuthi banqobe kulesi sigaba.
Isisgaba sePennsylvania sibanzi njalo sidabukene okokuthi singathathwa langubani.
UMnu. Michael Sances ufundisa izifundo ze political science ekolitshini le Temple University.
“Savotela uDonald Trump ngomnyaka ka 2016. Savotela u-Joe Biden ngomnyaka ka 2020. Sonke isikhathi kwakulomehluko wama voti angu 40,000 kumbe 80,000 esigabeni esilezigidi lezigidi zabantu. Sidabukene kancane nje kuphela.”
U-Sances uthi abavoti be Pennsylvania bakhala ngomnotho welizwe kunye lodaba lokungena kwabokuza elizweni.
“Kwanda inkulumo ngabalandeli baka Biden beveza okuhle osekwenzakale kwezomnotho. Kodwa kukhanya kungakamukelwa ngumphakathi okwenza babebelokhe bakhathazekile ngomnotho welizwe. Abantu bakhathazekile ngomngcele wezansi yelizwe lanxa i-Pennsylvania ingekho duzane lomngcele lo.”
U-Trump ukhankasa e-Pennsylvania ngokuhlasela u-Biden ngezibopho zakhe zomngcele welizwe lenlelo zamandla omlilo ongangcolanga kagetsi, i-clean energy.
“Ungacabanga esimele sibhekane lakho, ngezomngcele, singakhululekanga kwezamandla e-energy, ngemota ezingasebenzisi mafutha epetulo, kambe abantu bazafuna ukuthenga imota ezisebenzisa amandla kagetsi impilo yabo yonke?”
Imota ezisebenzi Amandla kagetsi lempahla ezivela kwele China zindaba ezimqoka esigabeni lapho abavoti abakhaliphileyo njalo behlelekile.
U-Biden kulinyanga wengezele umthelo wokuthenga impahla ezivela kwele China ngokuphindwe kane esithi ukungahanjiswa kuhle kwempahla ezivela kwele China kuqilibezela izisebeni zakweleMelika.
"Ngizimisele ukuthi elakusasa lezimota ezisebenzisa amandla kagetsi licandwe ngabamela izisebenzi. Ngiyafunga."
U-Trump utshele abanini bezibhamu ukuthi u-Biden kalasithunzi sokubusa okweminye njalo iminyaka emine.
"U-Joe Biden yisehluleki, ongazilutho njalo elenkohlakalo kubo bonke omongameli embalini yelizwe lethu."
U-Biden ukhulele esiabeni se Pennsylvania edolobheni le Scranton njalo ukhankasa kulezindawo azaziyo, eveza u-Trump njengomuntu osetshenziswa yizinotho ezingama billionaire.
“Siyabazi abantu abanje sisakhulu. Indlela engona elakusasa leMelika ngelethemba lamathuba. Ngumbono ovela e-Scranton kuzisebenzi ezifana lani.”
Umsekeli ka-, u-Kamala Harris, ukhankase e Pennsylvania kuyoale iviki, okungokwesine kuwonalo umnyaka.
“Silethemba ngezithembiso zeleMelika, izithembiso zenkululeko, impumelelo lkulandela komthetho, hatshi kubalutshwana kodwa kuye wonke umuntu.”
Uthe abavoti be Pennsylvania bengazayengwa ngu Trump labanye bakhe.
“Ngalesi sikhathi, abadlulisa amalawulo bafuna ukusehlukanisa njengesizwe. Siyababona begquguzela inzondo kobokuza.”
U-Trump uthembisa izakhamizi ze Pennsylvanian ukuthi uzabuyisela eleMelika kusimo esasiyiso kudala.
“Sizabuyisela Amandla eleMelika ekhaya. Sasihlonitshwa umhlaba wonke jikelele kuminyaka emine edluleyo. Kathesi siyinhlekisa. Akukhatshana."
Ucwaningo oluqutshwe liphephandaba le The Philadelphia Inquirer kuyonale inyanga luveze ukuba uBiden loTrumo bangutshiki lobhanqa e-Pennsylvania inani labavoti abasakhula labangaso abamhlophe a avotela.
U-Biden lehlile nxa kuqathaniswa lokhetho olwedluleyo.
Abavoti laba yibo ababeqakathekile abenza ukuthi u-Bien anqobe kukhetho lwesigaba lesi ngomnyaka ka 2020.
Your browser doesn’t support HTML5
Udaba Lwezokhetho.