Umongameli Joe Biden lancintisana laye emele ibandla lama Republicans kukhetho lomnyaka lo uMnu. Donald Trump sebevumelana ukuthi bazadibana kungxoxo-mpikiswano ezimbili.
Kulemigoqo yalingxoxo-mpikioswano ezenza kungabi lokuxokozela. Kodwa ukuthi lingxoxo-mpikiswano izakhanga abavoti, ikakhukulu nxa kukhangelwe isikhathi esesisele, khona kuzavela.
Umongameli Biden wapha impendulo ecacileyo yokuthi uzangena na kulezingxoxo-mpikiswana mhla ziku 15 kuyonale inyanga.
“U-Donald Trump ngamnqoba kungxoxo-mpikiswana ezimbili ngomnyaka ka 2022. Kusukela khonapho kazake abuye kungxoxo-mpikiswano. Kodwa kathesi sesenza njengathi uyafuna. Akuze ke sibone.”
Sokubekwe amalanga amabili alezingxoxo-mpikiswano, uNhlangula 27 lo Mpandula 10. Republican Omela ibandla lama Republicans, uMnu. Donald Trump ufunge wagomela ngaloludaba ekhankasa ese Minnesota ngoLwesihlanu.
“Ngifuna ukuphikisana lalundoda, uyazi ngizathi aqale ahlolwe izidakamizwa. Angifuni ukuthi aze njengamhla esethula imbiko yakhe ye State of the Union, edakwe yizidakamizwa.”
Akula bukafazi bokugcizelela imbono ka Trump ngalokhu.
Ilunga lebandla le Democratic, uSenetha Chris Van Hollen wabuza ngendlela u-Trump aphikisa ngayo kungxoxo ayenze lomsakazo we ABC kuhlelo oluthiwa “This Week”.
“U-Trump ufuna ukwenza njengomdlalo nje wokulibazisa uzulu, kodwa kubalulekile ukuthi kukhethwe bani. Ngithi ulo Biden, okhulele edolobheni le Scranton ePennsylvania. Ulwela izisbenzi njalo ufuna abantu basebenze ngokukhululekileyo. uDonald Trump yisibonelo sobudlwangudlwangu.”
Owake wacebisa umkhankaso ka Mnu. Trump, uMarc Lotter, laye obesemsakazweni we ABC, uyancoma ukubakhona kwababili laba abancintisanayo enkundleni yengxoxo-mpikiswano.
“Kuzabakubanzima. uDonald Trump uyakhankasa kwesinye isikhathi kathathu ngeviki ekhuluma okwesikhathi esedlula ihola lengxenye. . Umongameli Biden kajwayelanga ukwenza imihlangano lentathelizindaba. Kuzakubalukhuni kuMongameli Biden.”
Lingxoxo-mpikiswano izakwenziwa kungelabantu enkundleni. Abalawula lezingxoxo-mpikiswano, intathelizindaba zomsakazo we CNN lowe ABC bazakwenelisa ukucitsha ama microphone nxa ababili laba bengaqala ukwenqabelana ukukhuluma.
Injongo yalezingxoxo-mpikiswano yikuncedisa abavoti ukuthi bakhethe abazamkhetha phambilini kokhetho luka Lwezi, kuchasisa ofundisa izifundo zezombusazwe ekolitshini le Roger Williams University, Unkosikazi June Speakman.
“U-Trump wazi ukukhuluma ngenxaki zalowo ayabe ephikisana laye, kakhangeli indaba eziqotho. Ngibona njengathi u-Biden uzakhangelisisa okwenzakalayo, akwenzileyo kwezomnotho lokulutshwana nje okokuthi uTrump yena uyini njengomuntu ancintisana laye.”
Ukuze ingxoxo-mpikiswano ziguqule ingqondo yabavoti, ukuthi zenziwa nini kuqakathekile, kutsho isiphathamandla senhlanganiso ye American Enterprise Institute.
“Nxa ukhetho solusondele abavoti abanengi bayabe sebelukhangelele, lezingxoxo-mpikiswana ziyabukelwa emisakazweni ngabanengi abayabe befuna ukuzwa ukuthi bakhetha bani, sokusele isikhathi esifithsane.”
Imizamo yokuhuga abavoti iyaqhubekela phambili liviki. U-Trump ukhangelelwe ukuya esigabeni se South Bronx ngoLwesine.
Umongameli Biden uzakuba ese New Hampshire ngoLwesibili abeselubhekisa esigabeni se Boston, eMassachusetts.
Your browser doesn’t support HTML5
Udaba lokhetho oluzayo.