IWorld Bank ithi eleZimbabwe liqhubeka likhokhela emhlabeni jikelele kuluhlu lwamazwe alentengo yokudla ephezulu.
Umbiko owethulwe yiWorld Bank kuliviki uveza ukuthi intengo yokudla eZimbabwe ikhwela ngesilinganiso sokungamatshumi amane lasithupha ekhulwini i46 percent, inani leli likhwele lisuka kusilinganiso sokungamatshumi amathathu lasikhombisa ekhulwini i-37 percent eyakhutshwa kumaviki amabili edluleyo.
Kuluhlu lolu iZimbabwe ilandelwa yiArgentina elentengo yokudla ekhwela ngesilinganiso sokungamatshumi amabili ekhulwini i20 percent.
Lokhu kuza kulandela umbiko kaMongameli Emmerson Mnangagwa owokuthi ilizwe lidinga usizo lwamadola eMelika angamabhiliyoni amabili eyokudla, njalo uhulumende ekhuphe umbiko kuyonaliviki esithi isivuno salonyaka sehle ngesilinganiso sokungamatshumi ayisikhombisa lasikhombisa ekhulwini i-77 percent nxa siqathaniswa lesanyakenye.
Ukuhlaziya loludaba uTaboka Ncube oweStudio7 uxoxa loMnu Effie Dlela Ncube ingcwethi yezenotho, njalo elwela amalungelo abathengi ekhokhela inhlanganiso yeNational Consumer Rights Association.
Your browser doesn’t support HTML5
Ingxoxo loMnu. Effie Dlela Ncube.