Kulandela umbiko webandla leCitizens Coalition for Change elisekela ozithi ngunobhala jikelele walo uMnu Sengezo Tshabangu owokuthi balungiselela inkulumo zokubumba uhulumende womnyano lebandla leZANU PF, sokuqhamuke imbono ehlukeneyo abanye besithi lelinyathelo alisoze lisebenze, kodwa abanye besithi ohulumende bomanyano abedluleyo baletha inguquko.
UMnu. Tshabangu utshele umsakazo weStudio 7 ukuthi ngempela bayazilungiselela lezi inkulumo lanxa unobhala jikelele webandla leZANU PF uMnu. Obert Mpofu esithi kabazi lutho ngaloludaba kodwa bazakwamukela ingqe ngubani ofuna ukuxoxisana labo.
Ukucubungula loludaba, sixoxa loMfundisi Siyaphambili Moyo, oyake aphatheke kunkulumo zokuxwayisa abezombusazwe endawonye loMnu. Benard Bhekilizwe Ndlovu, ingcwethi ecubungula ezombusazwe, owayengumgcinisihlalo wogatsha lwebandla leAlliance for People’s Agenda eSouth Africa, onguye osungula lingxoxo.
Your browser doesn’t support HTML5
Ingxoxo loMnu. Benard Bhekilizwe Ndlovu Endawonye loMfundisi Siyaphambili Moyo