UMnu. Sengezo Tshabangu ozithi ungunobhala jikelele webandla leCitizens Coalition for Change uthi inkulumo zokulungiselela ukubumba uhulumende womanyano lebandla leZANU PF zilakho ukuqalisa ngokusemthethweni ngeviki ezayo ukwenzela ukulungisa okuhluphayo kwezomnotho welizwe. UMnu. Obert Mpofu, unobhala jikelele webandla leZANU PF, othi umnyango webandla lakhe uvulelwe ingqe ngubani ofuna ukukhulumisana labo ngenhlelo zentuthuko, njengalokho abakwenza ku POLAD.
Kodwa uMnu. Albert Mhlanga owelinye icele leCCC uthi inkulumo lezi azidingeki njalo uMnu. Tshabangu bamisa okwesikhatshana ukusebenza kulelibandla ngakho bayamangala ngakwenzayo ngoba yibo abambeka esikhundleni sokuba ngunobhala jikelele webandla.
UMnu. Tshabangu uthi njengoba wamangalelwa emthethwandaba ngaloludaba, kufanele kumelelwe impumela.
Labo abasekela owayengumholi webandla leCCC uMnu. Nelson Chamisa, njengo Senator Solani Njemnyama Moyo, bathi lokhe bemlindele.
Lalela lingxoxo ngokugcweleyo lapho uMnu. Tshabangu aqala aphawule ngama recalls, lapho athi “izembe lisalolwa,” ukulandela isibonelo sikamuyi uMnu. Joshua Nkomo, lokuphatheka emcimbini yelizwe efana leye Independence Day. Uqala ngokuchasisa ngobudlelwano bakhe lamanye amalunga eCCC.
Your browser doesn’t support HTML5
Lalela Loludaba Ngokugcweleyo