Umongameli Joe Biden wenza udaba lwamalungelo okubeletha indikimba yokomkhankaso wakhe wokhetho, esola ancintisana laye, uMnu. Donald Trump athi ufuna kwethulwe imithetho elukhuni evimba ukususa izisu.
Emkhankasweni wakhe, u-Trump wethula umbono ozinzileyo kuloludaba ohlukane lowabanye bakhe abe bandla lama Republicans.
Umongameli Joe Biden ukhankase esigabeni se Florida lapho umthetho wokungavumeli ukususa isisu esesedlule inyanga eziyisithupha uzaqala ngeviki ezayo.
"Lokhu yikwenza ilungelo lokuzala libe licala ngesikhathi abesifazane bayabe bengakabikwazi lokuthi bazithwele. Kulihlazo."
Lumthetho we Floria ozakuba ngomunye wemithetho encindezelayo elizweni uzakuba yikunqoba kwabe bandla lama Republicans, kutsho ofundisa ekolitshini ye University of Miami, uNkosikazi Caroline Mala Corbin.
"Kulabo abelenkolo ezithi impilo iqala esiswini ngokunjalo ukuzithwala kufana lokuthwala umuntu, lesi sinqumo siyikunqoba."
Lokhu kuyinsindabayitshiye kuMnu. Trump othi umthetho we Florida ulukhuni kodwa aphinde afune ukukhumbuza abavoti abangafuni kwesulwe umthetho wokukhipha isisu ukuthi nguye owamisa umthetho wesizwe wokukhipha isisu ngokukhetha amalunga edale eliphakameyo ele Supreme okwabangela ukuthi kwesulwe umethetho othiwa Roe v Wade.
Umkkhankaso ka Biden ubona leli kulixesha.
"Okweminyaka engamatshumi amahlanu, umthethwandaba wanquma ukuba kulilungelo lomuntu ukungavezi imfihlo yempilo yakhe. Kodwa kuminyaka emibili edluleyo leli Lungelo lathathwa. Akeni sibonisane: Kulomuntu oyedwa owabangela lokhu, uyakuvuma njalo eziqhenya ngakho: ngu Donald Trump.”
“Lumnyaka, impi yeminyaka engamatshumi amahlanu kudaba lomthetho we Roe v Wade lusuwe ezandleni zemithethwandaba lwasiwa ezinhliziyweni lakumavoti abantu bezigaba zonke zelizwe.
Sokuzigaba ukuthi zithathe inyathelo elilungileyo.”
Udubo lulapho izigaba eziphikisana khona lo Trump. Njengase Florida.
Abavoti bezigaba ze Arizona le Floria bazakuba bevotela ilungelo lokuzithwala kwabomama.
Imizamo efanayo ezigabeni ze Kansas le Ohio kuminyaka emibili edluleyo ibisehlula abe bandla lama Republicans. U-Trump ukhumbuza abavoti ngokuqakatheka kodaba lokususa izisu.
“Njengowayengumongameli, uMnu. Ronald Reagan, ngiyaqina kakhulu ngokukuthi abadlwenguliweyo, abaya emacansini bengabomndeni lempilo yabomama. Kumele ulandele umzwangedwa kuloludaba, kodwa kumele unqobe kukhetho ukulondoloza usiko lwethu, ngotsho khona ukuhlenga ilizwe, lona engilusizi ukuthi liya nganxele.”
"U-Donald Trump wesabela ukuthi abavoti bazamkhumbuza ucuku lobudlwangudlwangu aludalayo. Zihlobo, indaba ezimbi. Sizamakhumbuzo. Kumele akhunjuzwe."
Njengedlela yokuqinisa umkhankaso welungelo lokuzala uhulumende kaMongameli Biden liviki uqiniso ukungethulwa kwemininingwane yabantu abavakatshela ezinye izigaba. Lokhu kwenziwa ngendlela yokuvikela omama abahlala ezigabeni ezingavumeli ukususa izisu ukuze bengathoniswa ngoba bahambe bayasusa izisu ezigabeni lapho okuvunyelwa khona.
Your browser doesn’t support HTML5
Udaba Silwethulelwa neu Chris Gande.