Umthethwandaba wesigaba se New York uqhubeke uthonisa icala lowayengumongameli, uMnu. Donald Trump namuhla.
Obetshutshiswa ngusomabhizimusi odidnda iphephandaba elithiwa The Inquiry, uMnu. David Peker.
U-Trump wetheswa icala lokufumbathisa untombazana ophila ngokuveza umzimba emphakathini, uStormy Daniels ukuze kungaphazamisi umkhankaso wakhe ngomnyaka ka 2018.
Kodwa okubeludaba egudwini yikuthoniswa kwecala lokuthi u-Trump engaba wephuma isinqumo somthethwandaba sokuthi engathuki kumbe ukukhuluma ngabantu abaphathelane lecala lakhe.
Izolo u-Trump ukhulume lentathelizindaba phandle komthethwandaba esithi icala lakhe yikudinga nje ukumhlukumeza.
Uphinde waloba enkundleni yakhe yokuxhukmana ebulenjini, ethiwa Truth Social ehlambaza umthethwandaba.
Abatshutshisi bathi u-Trump weyise umthethwandaba ngolokho kumele agwetshwe imali engamadola ayinkulungwane ngandaba inye ayilobileyo ethuka umthethwandaba.
Umahluli, u- Juan Merchan, uther uzethula isinqumo sakhe phezu kwalelicala ngokuya kwesikhathi.
Ukuhlaziya loludaba sixoxe lolandela ezombusazwe, uMnu. Tim Muringai.
Your browser doesn’t support HTML5
Ingxoxo loMnu. Tim Muringayi.