Ingcwethi ezicubungula ezenhlalakahle kazulu zithi ukuxolelwa kwezibotshwa nguMongameli Emmerson Mnangagwa kuyinto enhle kodwa kudingakala inhlelo ezizabaphathisa ukuthi benelise ukuziphilisa bengaphuma ejele.
Zithi nxa lezinhlelo zingekho kuba lula ukuthi izibotshwa lezi zidale amanye amacala alakho ukuzibisela ejele.
Izibotshwa ezedlula inkulungwane ezine zixolelwe nguMongameli Mnangagwa kuyonaliviki phansi kohlelo lokukhululwa kwezibotshwa ngesikhathi kunanzwa usuku lukazibuse.
Uhlelo lolu luphathise abesifazane, asebeluphele, abatsha, abagulayo labanye.
UMnu Nhlanhla Moses Ncube okubandla leFreedom Alliance utshele iStudio7 ukuthi uzulu kumele akhuthazwe ukwamukela abavela ejele ukuze bethole amathuba okuziphilisa kanye lokuhlala kuhle labanye.
SEE ALSO: Ingxoxo loMnu Nhlanhla Moses Ncube.