Uzulu uthwelenzima ngoMgqibelo ngemva kokwehluleka ukusebenzisa imali ngoba kuthiwa imitshina isalungisiswa ukuze kusetshenziswe imali esungulwe ngoLwesihlanu ethiwa ngama Zig.
Amabhanga athumele uzulu imbiko kumakhalekhukwini yokuthi abasoze benelise ukuthola imali yabo namuhla.
Usibalukhulu webhanga le Reserve Bank omutsha, uMnu. John Mushayavanhu owazise izolo ngokwethulwa kwemali entsha le, uthe uzulu kuzamele ahambise ebhanga imali endala eyama bond notes kodwa umuntu engahambisa imali endala inengi kakhulu uzabuzwa ukuthi ubevele eyigcine ngaphi.
Iphephandaba lobulembu ele Zimlive.com lithi ibhanga lesizwe ele Reserve Bank lithi imali le izaqala ukusebenza mhlaka 30 kuyonalinyanga.
Sixoxe lesiphathamandla senhlanganiso yezakhamizi eye Bulawayo Progressive Residents Association, uMnu. Ambrose Sibindi ukuze sizwe okunengi ngaloludaba.
Your browser doesn’t support HTML5
Ingxoxo loMnu. Ambrose Sibindi.