Induna uChief Dakamela weNkayi uqhube umcimbi wokunikeza abalemisebenzi ethuthukisa izigaba zeMaNdebeleni lapho obekuthe gwaqa izinduna, ibutho, izakhamizi, iziphathamandla zikahulumende, amabandla ehlukeneyo ezombusazwe, labanye abavela kwezinye izigaba zelizwe.
Sixoxe lomculi kaMaskandi uAnthony Tshuma oweNkayi owazakala ngokuthi nguNyon’emnyama Mlandi Wetshitshi obekulo umbuthano obusufika emaphethelweni ngoMgqibelo kusihlwa, elelunga lebutho u"Madabu-dabu.”
UNyon’emnyama uthi uthokozile ukuhlangana lezinduna zeMatabeleland ezehlukeneyo, abezombusazwe ababalisa uMnu. Sengezo Tshabangu, Jabulani Hadebe, Chief Ndlovu, usomabhizimusi uBigboy Mjimba, ingcwethi kwezamasiko uMnu. Phathisa Nyathi, labanye.
Uthi kumthabisile njalo ukuthi umculo wakhe yiwo obuyindikimba kulumcimbi, oqalise ngoLwesihlanu wagqitshwa ngoMgqibelo.
“Bekulabanye njalo abavela kwezinye izigaba zelizwe abangayisibo besiNdebeleni…bebuka okwenzakalayo ikakhulu ukulondolozwa kwamasiko….abanye beziqhubela amabhizimusi anjengama tuck shop..’’ kutsho uNyon’emnyama.
Uqhubeke wathi ulokhe enxusa abantu ukuthi bezomxhasa lapho esethula idlalade lakhe lesihlanu mhla ziku 13 ngoMgqibelo ozayo kusukela ngehola legibility emini kuyonale inyanga kaMabasa e Moon Knight Bar eDoornfontein eSouth Africa lapho agxile khona.
Kubikwa bekuleminye imicimbi koDakamela, ebalisa ukufundiswa komphakathi ngenhlelo zokuzivikela kugcikwane lengculaza, ukucula, ukusina, ezamasiko, lokunye okunengi-nengi.
Your browser doesn’t support HTML5
Lalela uNyon'emnyama Mlandi Wetshitshi echasisa ngomcimbi wakoDakamela