I-Zimbabwe ngoLwesihlani imanyane lamanye amazwe omhlaba ekunanzeni usuku lokuqakathekiswa kwelungelo lokutholisa abantu amanzi, olwe World Water Day, phansi kwendikimba ekhuthaza ukutholakala kwamanzi ahlanzekileyo emadolobheni kanye lasemaphandleni.
Usuku lolu lunanzwa ngalesisikhathi ilizwe likhangelane lodubo lokuswelakala kwamanzi olukhangelelwe ukuqhela lonyaka kulandela ukungani kwezulu.
Amadolobho amakhulu athi iBulawayo leHarare yiwo ahlaselwe kakhulu yiloludubo.
Kulemibiko ethi umanisipala wakoBulawayo uzakwehlisa inani lamanzi aphiwa izakhamizi kungela mbadalo zingakaqali ukubhadala.
Umgcinisihlalo wekhomithi yamanzi koBulawayo uKhansela Khalazani Ndlovu utshele uTaboka Ncube weStudio7 ukuthi udaba lolu alukafiki kukhomithi yakhe.
Your browser doesn’t support HTML5
Ingxoxo loKhansila Khalazani Ndlovu Ngodubo Lwamanzi
UMnu Joseph Nkomazana oweBulawayo Progressive Residents Association uthe isinqumo sokwehlisa inani lamanzi aphiwa izakhamizi kungela mbadalo asilamahluko omkhulu esingawuletha nxa izakhamizi zingatholi amanzi.
SEE ALSO: Ingxoxo loMnu Joseph Nkomazana Ngodubo Lwamanzi