Umhlangano wabosomabhizimusi baseZimbabwe labequla elivele kwele Melika ele Atlanta Black Chambers, wensuku ezine, uphele Ngolwesihlanu, ngemva kokulotshelanwa kwezivumelwano zokusebenzelana eziyisikhombisa-7, phakathi kwamankampani labosomabhizimusi bamazwe womabili.
Amankampani anelise ukulobelana izivumelwano zokusebenzelana agoqela, abeZimtrade, TelOne, Dandemutande, Rawson Properties labanye.
USA/Zimbabwe Business Summit
AweMelika amankampani agoqela eye MI Group, Impact Business Solutions lamanye. Iqula ele Atlanta Black Chambers(ABC) likuhambo lokwethekelela amazwe ambalwa asemhlubulweni owezansi yezwekazi labensundu owe Southern Africa, lizodinga amathuba okusebenzelana labanye babo base Africa.
USA/Zimbabwe Business Summit
Osomabhizimusi abeABC lab,a baqale uhambo lwabo kwele South Africa ngeviki edluleyo. Besuka eZimbabwe Ngolwesihlanu, balubhekisa kwele Zambia.
Umhlangano oweZimbabwe-USA Business Forum lo, uqoqwe ngokusebenzelana lohulumende weZimbabwe lezinye inhlanganiso zabosomabhizimusi elizweni labequla labosomabhizimusi beMelika.
USA/Zimbabwe Business Summit
Omunye njalo umhlangano wokubuthanisa osomabhizimusi lamankampani amazwe womabili oweZimbabwe-USA Business Forum uzaqhutshelwa edolobheni ele Atlanta, esigabeni seGeorgia, eMelika, ngoMfumfu lonyaka.