Ele Ukraine lithi ukuphuza kokuvumelana ngoncedo lwemali eyokuphathisa ele Ukraine kumpi yalo le Russia sokubangele ukufa kwabantu abanengi kade bengasinda kulimpi kodwa akusele nhlamvu zemibhobho.
Lanxa idale le Senate lavotela ukuthi imali efika phose amabhiliyoni alikhulu, $95 billion ithunyezwe kwele Ukraine lakwele Israel, idale le The House yilo elisele ukuthi livumelane besekuvotwa.
Ukusilela kwenhlamvu lemibhobho sokubangele njalo ukuthi amabutho akwele Russia ahluthune amanye amadolobho.
Embikweni wakhe ophathelane lesimo sesizwe, iState of The Union, uMongameli Joe Biden wabikwa ukuba ukwehluleka ukuphathisa amabutho akwele Ukraine kuzabangela ukuthi lezizikulwane zeleMelika zisole lokhu.
Ukuhlaziya loludaba sixoxe lolandela ezombusazwe weleMelika, uMnu. Mkhululi Ndabambi.
Your browser doesn’t support HTML5
Ingxoxo loMnu. Muki Ndabambi.