Umongameli Emmerson Mnangagwa uthi uhulumende wakhe usenelise ukuthuthukisa umnotho welizwe selokhe wathatha intambo zombuso ngomnyaka ka 2018 lanxa kulezijeziso zomnotho ezetheswa eleZimbabwe ngamazwe aphetsheya ezibangela ukuthi ilizwe lingenelisi ukubokeka imali eneleyo emabhanga omhlaba.
Umongameli Mnangagwa ukhulume amazwi la ngoLwesibili emhlanganweni obusaqhubeka e Dubai lapho obekuthe gwaqa amazwe ehlukeneyo, ingcwethi, lenhlanganiso ezilwela ilungelo loluntu, kucutshungulwa okuphathelane lokuguquka komkhathi, ezokulima, lekusasa yamazwe la.
Uqhubeke wathi eleZimbabwe selilokudla okweneleyo njalo ngelinye lamazwe amabili kuphela elizilimela ingqoloyi okusezingeni eliphezulu, osokubangele ukuthi lenelise ukuthengisela amanye amazwe, kube lemisebenzi eminengi, njalo impilo yabanengi emaphandleni ibengcono.
Uhlaziya loludaba, lokunye okukhulunywe ngumongameli Mnangagwa, sixoxa loMundisi Anglistone Sibanda, ingcwethi kwezokulima njalo engumqondisi wenhlanganiso ye Green Afrique Technologies.
UMfundisi Sibanda uthi uvumelana lomongameli Mnangagwa kudaba lwezijeziso zomnotho kodwa kunengi okufanele kwenziwe ukuze impilo yabantu ithuthuke.
Your browser doesn’t support HTML5
Ingxoxo loMfundisi Anglistone Sibanda