Intathelizindaba zikhanya sezizaba lakho ukuvunyelwa ukungena emihlanganweni yabantu abathintwa kubi ngumbhuqazwe weGukurahundi lezinduna lanxa izinduna bezisemba phansi zisithi lokhu akusoze kwenzeke.
Lokhu kuvele ekugqitshweni komhlangano wensuku ezimbili, owezinduna lentathelizindaba oqale koBulawayo Ngolwesine, lapho intathelizindaba ezikhonone khona ngesinqumo sezinduna esokuzivimba ukungena emihlanganweni yokulungisisa udaba lweGukurahundi ukuze zizizwele okukhulunywa yilabo ababulawelwa izihlobo kumbe abathinteka kubi ngalu mbuqhazwe zithapha izindaba.
Lokhu kudale ukuthi kubunjwe ikomidi yentathelizindaba ezasebenza lomabhalane wogatsha olubona ngokwethulwa kwemibiko uMnu Nick Mangwana ukuze kubonakale ukuthi lungaphathwa njani loludaba, ngokutsho komsekeli wedale lezinduna uChief Fortune Charumbira.
I-Zimbabwe Media Commission layo iphiwe amandla okukhokhela ikhomithi ezabona ngokuziphatha kwentathelizindaba ngesikhathi zithapha indaba phansi kohlelo lokulungisisa udaba lweGukurahundi lolu oluzaqala maduze.
UMabhalane weZimbabwe Media Commission uMnu Godwin Phiri uchaza kabanzi indima okumele ayidlale esebenzelana lequla lekhomithi yeNtathelizindaba.
"Ugatsha lwezokwethulea kwemibiko ezweni lenkokheli zomdabu ziphe iZMC umsebenzi wokukhokhela ikhomidi ezasebenza leNtathelizindaba ngeesikhathi bethapha indaba kuhlelo lweGukurahundi Outreach njalo NgoMvulo sizakuba lomhlangano esizaphuma khona logwalo esizalubonisana lezinye iNtathelizindaba sithi sesilusa kuNkokheli zomdaba esizahleka indlela esizaziphatha ngayo ngesikhathi sohlelo."
Lanxa uCharumbira esithi kusakhulunyiswana, ezinye intathelizindaba zithi kusobala ukuthi zizavunyelwa. Enye yazo nguNqobani Ndlovu yena othi uhulumende kala enye indlela ngaphandle kokubavumela ukuthi balobe ngombhuqazwe weGukurahundi.
Journalists meets Chiefs
"Akula sikhathi sokucatsha ngomunwe uhulumende kala enye indlela angala ngayo ukuthi siphatheke kuhlelo lolu sikhangelele ukusebenza lezinduna kuhle ngoba sivele sihlala sikhuluma lazo "
UChris Tabvura laye yintathelizindaba ebisemhlanganweni lo.
"Kuhle sesilemvumo yokubhala ngeGukurahundi akuselamfihlo kodwa ngilusizi ukuthi uChief Charumbira kafuni ukuthi iGukurahundi ithiwe ngumbhuqazwe ngoba alikho elinye ibala elihambelana lesehlakalo esadluka kuso uyasoma."
Izinduna lazo zikhanya zidabukene phakathi. UNduna David Mbedzi Tshitaudze umgcinisihlalo wenkokheli zomdabu eMatabeleland South, yena okhanya engavumelani loCharumbira, uthi intathelizindaba bayazidinga ukuba zisebenze lazo kuhlelo lombhuqazwe weGukurahundi.
"Sibelomhlangano leNtathelizindaba koBulawayo okwamalanga amabili savumelana ukuba sizasebenza labo njalo siyabadinga kakhulu ukuthi sisebbenzisane labo kuloludaba ukuze iqiniso livele kubelokukhumisana umlotha lokuthula lentuthuko emkhonweni wethu welizwe lapho okwqbakhona lombhuqazwe weGukurahundi ngoba sikhulumanje akulantuthuko ekhona."
Ohlaziya ezombusazwe umabhlane weIbhetshu likaZulu uMnu Mbuso Fuzwayo uthi kuqakathekile ukuba iNtathelizindaba ziphatheke kuhlelo lweGukurahundi Genocide.
"Vele bekuzakubanxele ukuthi iNtathelizindaba zivalelwe phandle kuhlelo olunje buye vele kulilungelo labo lokuthi baphatheke ngoba kuluhlelo lukahulumende njalo futhi isisekelo sombuso siyabapha amandla okuthi baphatheke ethanda engathandi uCharumbira abantu bazazikhulumela buye akalalungelo lokuvimba imisebenzi yeNtathelizindaba akulamandla alawo kulokho ngitshe lakusisekelo sombuso olawula ilizwe."
Journalists meets Chiefs
NgoMvulo ikhomithi ezabona ngokusebenza kweNtathelizindaba ikhangelele ukuhlangana ebulenjini ukuze iphume lendlela ezizaziphatha ngayo umsebenzi. Likhomithi igoqela uZenzele Ndebele, uNduduzo tshuma Annahstacia Ndlovu, Zodwa Churu, Godwin PhiriVictoria Ruzvidzo, Chris Chinaka loChekayi Albert
UCharumbira ucunule abanengi Ngolwesine ngokutshela intathelizindaba ukuthi akumelanga zichaze iGukurahundi njengombhuqazzwe, igenocide.
Phansi kwalumbhuqazwe, uhulumende wabulala abantu abedlula inkulugwane ezingamatshumi amabili, 20,000 ezabelweni zeNkabazwe leMandebeleni phakathi komnyaka ka1983 lo1987.
Your browser doesn’t support HTML5
Udaba LweGukurahundi Esilwethulelwa nguAnnastacia Ndlovu.