Owake wammela iZengeza West edale lephalamende, ekubandla eliphikisayo eleCCC, uMnu. Job Sikhala usetholakale elecala lokuloba amanga enkundleni zokuxhumana ezebulenjini, kungensuku zatshwala ephume ejele ngelinye icala.
U-Mantshi Feresi Chakanyuka uthole uSikhala ele cala kudaba lapho abikwa wasebenzisa inkundla eye Facebook ukuloba ukuba kulomntwana owayebulewe lipholisa ebhajulwe ngu nina emhlane.
Igqwetha elimela uSikhala uMnu Jeremiah Bamu uchasise ngokwenzale emthethwandaba.
Job Sikhala's lawyer, Jeremiah Bhamu
“Sesiphiwe isinqumo. Utholakale ele cala lokukhuluma amanga. Lokhu kuthiwa ngoba ibizo lakhe lobuso bakhe butholakala ku Facebook nguye owenza icala leli."
U-Bamu wazise ukuba uSikhala uzakuya ngekhaya lanxa abatshutshisi bakahulumende bebefuna ukuba ahle avalelwe namhlanje.
“Abatshutshisi bakahulumende bebefuna ukuba abuyele phakathi ejele. Kodwa idale lithe njengoba ube evele ele bail kungcono abuyele ngekhaya."
U-Sikhala uzaphenduka emthethwandaba NgoMvulo, weviki ezayo lapho amagqwetha akhe akhangelelwe ukuzama ukuthi engaphiwa isigwebo sokuhlala ejele njengoba ehlale khona okwesikhathi eside.
Job Sikhala's lawyer, Jeremiah Bhamu
Icala uSikhala atholakale elalo yilo elatholakala lilomkhokheli we Transform Zimbabwe uMnu Jacob Ngarivhume yena owaphiwa isigwebo seminyaka emine kodwa wapika inyanga eziyisithupha andubana idale le High Court limkhulule.
Akwaziwa ukuba uSikhala owahlala iminyaka efika phose emibili esejele esetheswa icala lokutshotshozela udlakela wakhululwa ngeviki edluleyo uzahlawula isibambiso na kumbe uzahle abuyele ejele.
Your browser doesn’t support HTML5
Udaba lokutholkala ele cala kukaSikhala siluphiwa nguMlondolozi Ndlovu