Uhulumende uthi uselungise ingxenye yomgwaqo weNkayi efika amakhilomitha amabili kodwa abahlali balindawo bathi kunengi okufanele kwenziwe ngoba ukulungiswa kwalumgwaqo kwaqalisa kudala kodwa kulokhe kungakaphutshi.
Imigwaqo eminengi eMatabeleland North, lakwezinye izigaba zelizwe ibikwa ikusimo esibi okungabangela ingozi yezimota lokusilela kwentuthuko.
Ukuze sizwe okunengi ngaloludaba, sixoxe loMnu. Abednico Bhebhe owayemela iNkayi South edale lephalamende, njalo owazakala ngokukhankasela ukuthi umgwaqo weNkayi ulungiswe.
Your browser doesn’t support HTML5
Ingxoxo loMnu. Abednico Bhebhe
Siphinde saxoxa loMnu. Richard Moyo, umphathintambo kahulumende obona ngokwenzakala eMatabelaland North, osichasisela imizamo eyenziwa nguhulumende ukulungisa imigwaqo esigabeni sakhe.
Uthi uyavuma ukuthi ngempela kunengi okufanele kwenziwe ngomgwaqo weNkayi leminye eMatabeleland North njalo uhulumende usehlelile ukuthi inhlelo lezi zizaqhutshwa njani.
Wengeze wathi kuyathembisa ukuthi ukulungiswa kwemigwaqo kuzaphutsha ngoba uhulumende owe "new dispensation" okhokhelwa ngumongameli Emmerson Mnangagwa uzimisele ukufeza inhlelo zentuthuko.
Your browser doesn’t support HTML5
Ingxoxo loMnu. Richard Moyo