Owayelilunga leMDC-T uMnu. Dube Munkombwe otshiye ibandla eliphikisayo usesole iziphathamandla zeCCC ezigoqela owayekhokhela lelibandla uMnu. Nelson Chamisa ngokuthi azimazi uMnu. Sengezo Tshabangu, ozithi ngunobhala jikelele weCitizens Coalition for Change esithi wasebenza laye ku MDC belomuyi uMnu. Learnmore Jongwe loMnu. Chamisa.
Uthi uMnu. Tshabangu nguye owayekhankasela uMnu. Chamisa kuMDC ukuthi anqobe kusikhundla sokudinga unobhala jikelele walelibandla kodwa wanqotshwa nguMnu. Douglas Mwonzora.
UMnu. Munkombwe uphinde wapha umbono wakhe ngokwenzakala kumabandla aphikisayo lesizathu sokuthi ayekuZANU PF.
Your browser doesn’t support HTML5
Ingxoxo loMnu. Dube Munkombwe
Siphinde saxoxa loMnu. Prince Dubeko Sibanda owayemela iBinga North edale lephalamende osetshiye ibandla leCCC, yena othi ngempela basebenza loMnu. Tshabangu kusukela ibandla leMDC libunjwa, kodwa wayengekho ku CCC.
Your browser doesn’t support HTML5
Ingxoxo loMnu. Prince Dubeko Sibanda