IZimbabwe izaqhuba ukhetho lwama by-elections ePhelandaba-Tshabalala, Mkoba North, Chegutu West, Zvimba East, Seke le Goromonzi South ngoMgqibelo.
Ukhetho lolu luqhutshwa ngalesi sikhathi ilizwe likhangelane lokumemetheka komkhuhlane weCholera.
Inhlanganiso yezempilakahle eyeWorld Health Organisation (WHO) ikhuthaza abantu emazweni abhekane lodubo lwalumkhuhlane ukuthi bengabuthani kodwa iZimbabwe iqhubekela phambili ngokhetho lolu leminye imikhosi ingakunaki lokhu.
Inani lasebebulawe yilumkhuhlane liqhubekela phambili lisanda.
NgoLwesithathu Uhlangothi lwezempilakahle lwazise ukuthi kulabanye njalo abantu ababili asebebulewe yilumkhuhlane eMasvingo leMashonaland West okutsho ukuthi abantu asebebulewe yilumkhuhlane kusukisela ngesikhathi uqhamuka selifika phose amakhulu amahlanu (487).
Abantu ababanjwa yilumkhuhlane sebesedlula inkulungwane ezingamatshumi amabili lanye (21 000).
Ingcitshi zezempilakahle lazo zixwayisa uzulu ukuthi alimuke engamemethekisi lumkhuhlane ngesikhathi esiya vota ngoMqgibelo.
Exoxa leStudio7 umgcinisihlalo webhodi yenhlanganiso yezakhamizi zeHarare eye Harare Residents Trust, uMnu Albert Mazula ukhuthaze uzulu ukuthi alimuke njalo engadli ukudla okungahlanzekanga ikakhulu okutholakala lapho okubathana khona abantu.
Your browser doesn’t support HTML5
Ingxoxo loMnu Albert Mazula Ngodaba LweCholera