Ibandla le CCC selivumelene ukuthi inkokheli eyakhethwa ngomnyaka ka 2019 kube yiyo ephatha intambo kodwa inkinga ikhusikhundla sikanobhala jikelele esathathwa nguMnu. Sengezo Tshabangu ongasafuni ukudedela uMnu. Charlton Hwende.
Lelibandla belilomhlangano e-Harare izolo ebusuku lapho kade kukhangelelwe ukukhetha umkhokheli.
Inkokheli eyakhethwa ngomnyaka ka 2019 ebalisa aboMnu. Welshman Ncube, Tendai Biti, Charlton Hwende labanye ibikhona emhlanganweni lo.
Kodwa bakhona abanye abagoqela abebeyizikhulumeli zebandla, oMnu. Promise Mkhwananzi, Gift Ostallos Siziba labanye ababikwa besithi bazancenga uMnu. Chamisa ukuthi aphenduke ukuzokhokhela lelibandla.
UChris Gande weStudio Seven uxoxe lomunye wabasebenza loMnu. Sengezo Tshabangu, uMnu. Albert Mhlanga ukuze sizwe ukuthi bona bathini ngaloludaba.
Your browser doesn’t support HTML5
Ingxoxo loMnu. Albert Mhlanga.