Umthethwandaba waphezulu owe High Court unqume ukuba kakumelanga abafundi bekolitshini leHarare Polytechnic, babanjwe ngamandla ukuhlawulela indleko yezifundo ngedola leMelika.
UJustice Gladys Mhuri owedale leli uthi umthetho awuvumeli ukuthi ikolitshi le ithi ayisemukeli imbadalo zendleko zesikolo ngedollar leZimbabwe kumbe i-RTGS.
Udaba lolu beluphanyekwe emthethwandaba ngumgcinisihlalo weyinye yenhlanganiso emela izifundi eyeZINASU Harare Poly Chapter njalo eyisifundi kuleli kolitji uMnu Valentine Ziko.
Lokhu kwenzakale kulandela isaziso esethulwe likolitji leli esokuthi izifundi zibhadalele indleko yezifundo ngedollar leMelika njalo lisithi alisoze livumele ukubhadalwa kwalindleko ngedollar leZimbabwe.
Exoxa leStudio7 omunye wabakhokheli benhlanganiso emela izifundi eyeZINASU uMnu Comfort Mpofu uthi izifundi zamukele lesisinqumo ngenjabulo.
Your browser doesn’t support HTML5
Ingxoxo LoMnu Comfort Mpofu.