Kuyaphithizela kubandla le CCC kungaqedakali ukuthi ngubani ozakhokhela lelibandla kulandela ukusuka kukaMnu. Nelson Chamisa ngeviki edluleyo.
Abazithi yikhomidi ye National Standing Committee eyakhethwa ngomnyaka ka 2019 bathi yibo abasaphethe intambo lanxa kuthiwa baholwa nguMnu. Sengezo Tshabangu.
Sokukhethwe isikhulumeli sebandla esitsha, uMnu. Nqobizithi Mlilo esekelwa ngabomnu. Descent Collins Bajila kunye lo Caston Matewu.
Lelibandla libikwa lizakhetha umkhokheli namuhla emhlanganweni ozenzelwa e-Harare.
AboMnu. Welshman Ncube lo Tendai Biti babikwa besithi kabafuni ukukhokhela lelibandla.
Kambe ngubani ozakhethwa ukukhokhela lelibandla?
Sixoxe lothiwa ngumsekeli kamgcinisihlao webandla le CCC, uMnu. Albert Mhlanga, ukuze sizwe okunengi ngaloludaba.