Izakhamizi zelokitshi le Sizinda ko Bulawayo sezidlela evalweni kulandela ukubulawa kosakhuluyo phandle kwenye indawo yokunathela esanda kuvulwa.
Amapholisa athi abophe omunye ocatshengelwa ukuthi nguye owabulala uMthokozisi. Umuntu lo ubikwa ebotshwe elokitshini le Sidojiwe.
U-Mthokozisi Ndlovu, obeleminyaka yokuzala emganamtshumi amabili lasithupha, ugwazwe ebhawa wafa,watshiya umkakhe lomntwana ophansi komnyaka owodwa.
Kuminyaka eminili esanda kwedlula ibhawa leli lisasendaweni okuthiwa kuko Richard, kulomunye njalo umuntu owagwazwayo wafa evela khona.
Kodwa izakhamizi ze Sizinda zithi umumo mubi kakhulu kuleli lokitshi ngoba banengi abahlaselwa yizikliwi ezigwaza ngenqamu kwesinye isikhathi zisebenzisa imikhonto.
Sehlulekile ukukhuluma lamapholisa ngaloludaba kodwa izakhamizi zithi zitshelwe ngamapholisa ukuthi kungatshaya iholo letshumi, 10 ebusuku zingalokothi ziphume phandle kwezindlu.
Sixoxe lesihlobo sikamuyi, uMnu. Jeff Phiri ukuze sizwe okunengi ngaloludaba.
Your browser doesn’t support HTML5
Ingxoxo loMnu. Jeff Phiri.
Kusenjalo, zona izakhamizi ze Sizinda zithi ibhawa elisanda kuvulwa kumele livalwe ngoba yilo elibangela ukubulawa kwabantu.
Asenelisanga ukukhuluma labanini balelibhawa kodwa sikhulume lomunye umhlali we-Sizinda, uNkosazana Ottilia Sibanda ukuze sizwe imbono yezakhamizi.
Your browser doesn’t support HTML5
Ingxoxo loNkosazana Ottilia Sibanda.