Umongameli welizwe, uMnu Emmerson Mnangagwa, usekhethe njalo uJustice Priscilla Chigumba ukuthi aqhubekele phambili ekhokhela ikhomishini ebona ngokuqhutshwa kokhetho eyeZimbabwe Electoral Commission, ZEC, okweminye iminyaka eyisithupha.
UJustice Chigumba wakhokhela ukuqhutshwa kokhetho lomnyaka ka 2018 loka 2023.
Inhlanganiso ezithi iSADC, AU, le-EU zaphuma egcekene nyakenye zisithi ukhetho aluqhutshwanga kuhle eZimbabwe.
Ukukhethwa kwakhe kutsho ukuthi nguye ozakhokhela ukuqhutshwa kokhetho lomnyaka ka 2028.
Exoxa leStudio7 olandela ezombusazwe njalo ekhokhela inhlanganiso ye-Coalition for Market and Liberal Solutions uMnu Rejoice Ngwenya uthi ukwengezelelwa kwesikhathi sokusebenza kukaJustice Chigumba kutshiya kungela themba lokuthi kungaba lombuso kazulu.
Your browser doesn’t support HTML5
Ingxoxo loMnu Rejoice Ngwenya ngokukhethwa kukaJustice Chigumba.