Ingcwethi kwezempilakahle kanye labalwela amalungelo oluntu sebekhuthaze uhulumende ukuthi athathe amanyalo aqinileyo okuqeda umkhuhlane wesihudo se-cholera elizweni, wona osumemetheke ngelizwe lonke wabulala abantu abedlula amakhulu amane, 447.
Umphathintambo wezempilakahle uMnu Douglas Mombeshora wazise izolo ukuthi abantu asebebanjwe yilumkhuhlane sebesedlula inkulungwane ezingamakhulu angamatshumi amabili, 20,121 njalo abelatshwe basila bazinkulungwane phose ezingamatshumi amabili, 19,442.
UMombeshowa uthe njalo icholera isikhona eziqintini ezingamatshumi ayisithupha, 60 dictricts, kanti ihlasele kakhulu eHarare, Chitungwiza, Buhera, Gutu, Chiredzi, Mazowe laseMbire.
Sixoxe lesiphathamandla senhlanganiso yeMatabeleland Institute for Human Rights uMnu Khumbulani Maphosa.